彤 (Closed)

呢間以前一直只做Omakase，今日去尖沙咀行街收到傳單，原來而家仲做埋午餐set，見價錢合理就同朋友去試一試。其實午餐set有成14-15款選擇，有好多野都想試啊~~最正係可以將飯轉做湯烏冬或者蕎麥麵，仲要唔洗加錢，不過我太肚餓都係照要飯。我叫咗個滑蛋黒豚肉定食 $138，豬扒炸完唔會好乾，滑蛋做得岩岩好唔會過熟，仲有適量汁撈飯，最後我一個人都食晒成碗😋。機而且定食套餐仲有沙律、味噌湯、白飯、茶碗蒸及甜品朋友就叫咗個海鮮丼  $258，有6-7款唔同魚生，全部都好新鮮，呢個價錢好合理👍🏻店員全程都一直幫我地加茶，服務非常好，環境好靜，可以同朋友舒舒服服咁慢慢食。埋單既時候店員同我地講，原來呢個月做緊Omakase第二位半價，而且午市同晚市都有呢個優惠，之後要再約朋友黎食先。