饗一品 (瀝源廣場) (Closed)

呢間裝修改名前已不時同同事來食lunch，間鋪唔同咗樣但嘢食同以前冇乜唔同，五十幾蚊個日式飯包熱飲尚算親民。今日食$62牛肉壽喜鍋，有齊牛肉、小棠菜、娃娃菜、豆腐、冬菇、魚餅、生雞蛋、粗粉絲，其實係幾抵食。咁嘅價錢唔好期望啲牛肉會點靚，但整體來講唔算太差。不過隔離女同事嗰鍋就成嚿菜頭擺咗入去，唔知點食順帶一提呢間嘢出菜嘅時間好飄忽，呢個壽喜鍋我試過等大半個鐘先出嚟，趕住返工架大佬！但今日就唔洗五分鐘就有。有同事叫照燒雞扒飯，反而等咗20分鐘。