Video
Read full review
2011-11-17
512 views
11月11日…是日放假,去完牛棚影相後,就去拜會下呢間年紀同我爹娘咁上下嘅老冰室~一入到去,已經feel到嗰種充滿歷史嘅味道,一檯一凳,充滿歷史同上代港人為兩餐付出嘅血汗~有碟頭飯,亦有雲吞粉麵,但嚟得冰室,都係試下個特餐好~特餐有火腿奄列,沙爹牛湯意,一杯熱齋啡,total盛惠$24~個奄列好好食,最重要係隻蛋煎得剛剛好,唔太熟,仲有少少蛋漿漏出,又多火腿~個沙爹牛意就相對普通咗啲,如果配返公仔麵會正啲~杯啡都唔錯,唔太苦,熱辣辣,好香~$24一個特餐,唔算話貴,聽講炸肶唔錯,下次可以試下~睇住相熟食客一路食一路同事頭婆&員工吹水,談天說地,呢種情景,睇怕過多十年都好難再見到…
是日放假,去完牛棚影相後,就去拜會下呢間年紀同我爹娘咁上下嘅老冰室~一入到去,已經feel到嗰種充滿歷史嘅味道,一檯一凳,充滿歷史同上代港人為兩餐付出嘅血汗~有碟頭飯,亦有雲吞粉麵,但嚟得冰室,都係試下個特餐好~
特餐有火腿奄列,沙爹牛湯意,一杯熱齋啡,total盛惠$24~個奄列好好食,最重要係隻蛋煎得剛剛好,唔太熟,仲有少少蛋漿漏出,又多火腿~個沙爹牛意就相對普通咗啲,如果配返公仔麵會正啲~杯啡都唔錯,唔太苦,熱辣辣,好香~
$24一個特餐,唔算話貴,聽講炸肶唔錯,下次可以試下~
睇住相熟食客一路食一路同事頭婆&員工吹水,談天說地,呢種情景,睇怕過多十年都好難再見到…
Post