日和号壽司料理 (Closed)

夜晚8:30去到MegaBox , 好多地方都9:00就close 又或者8:30就會last order，但呢一間餐廳就9:30先至last order，晚上10:00先閂門入到去職員俾咗半價壽司刺身嘅落單紙俾我哋，我見到款式都比較多嘅，但係小食方面就比較少，只得章魚小丸子四粒。而令一張餐牌上面嘅所有嘢都係收返正價嘅，我哋就揀咗半價壽司刺身嚟叫，嗌咗大概30件壽司，一款刺身，仲有一款小食。刺身同壽司嘅新鮮程度都非常好，最抵食係$18一隻大蝦壽司，仲有一款吉列炸蠔壽司真係好特別。兩個人食咗總數$440左右埋單，都唔算好貴。