豚神 (Closed)

因為半價嘅廣告吸引而黎到九龍灣，午市時間不夠排隊，就等到晚市才來。先吃過另外兩間拉麵，都是超級失望，而豚神總算帶回一點希望。見隔離枱食呢間好似好好味咁，即刻又走去叫返碗。雙份豚肉拉麵等左一陣就有得攞，賣相幾靚喎。豚肉份量超多，不過温泉蛋變左生蛋，都ok啦。湯超級濃，雖然有厚厚一層油，但飲落又唔算膩。麵條是黄色的，幾香但煮得過淋了點，而且比起肉，麵的份量就比較少了。豚肉很肥，很甘香，但這個豚肉片感覺像吃打邊爐的那種。蛋，整破之後同麵一齊食，令麵更滑，唔錯。但因為湯很濃，吃了半碗後覺得很鹹，喝了兩半水呢。試過幾間後，呢個半價活動中只有豚神合格，其餘的……不吃也罷。雖說是合格，但絕不是排隊都值嘅地位，如果係特意前來，似乎就不值得了。