山頂餐廳酒吧 (Closed)

因為八點九黎有半價，所以等到夠鐘先攞位。 去到都仲有好多吉檯，但待應姐姐問同事仲有冇檯，心諗仲要問？！ （食完餐飯 last order 埋，最多都係得6成入座）其實半價好易令人想叫多啲，但我地得兩條人，喪叫唔到。平時叫野飲會嫌貴，今日叫左mango delight，偏甜普通，原價七十幾蚊真係唔會叫。蟹餅，平時自己唔會煮，食到啖啖蟹肉。塊餅有啲鬆散，明顯唔係溝左好多粉或者薯仔。海鮮寬條麵，料同麵分量各半，海鮮有蝦、帶子、三文魚、青口，蜆、魷魚，算多種類。乾炒零汁。炭燒西冷牛扒，上檯時成隻碟都好熱，足夠保持到碟扒嘅溫度，叫左五成熟，岩岩好。雖然牛扒有少少肥一齊食會好食啲，但肥多左，扣左分。埋單每人二百有找，都幾抵，值得等到八點九。