Video
Read full review
2012-05-26
570 views
韓國皇帝胡桃紅豆餅係一間由韓國人主廚做老闆o既小食店,開左大約幾個月位於北角新光戲院附近,由地鐵站行過去好快就到呢間小食店主打韓國皇帝胡桃紅豆餅,原來呢o的胡桃紅豆餅以前係用黎進獻俾韓國皇帝o既御用貢品,後來成為韓國街頭小食本人好多年前去過韓國旅行,都唔見有呢o的韓國皇帝胡桃紅豆餅,不過透過團購網站,令大家認識到呢款特式食品韓國皇帝胡桃紅豆餅$10/3個,$20/7個除左招牌食品韓國皇帝胡桃紅豆餅外,小食店售賣泡菜、炒年糕及米餅等小食近日佢地仲有新產品韓國魚串推出,由黑鯛魚製造,原味魚串/芝士味魚串/香腸魚串/年糕魚串/螃蟹魚串五款口味可供選擇,每條原價$22韓國皇帝胡桃紅豆餅真材實料,食材全部由韓國進口,老闆選用美國加州最潔淨o既核桃,即日新鮮製造烘焗之前o係網站以每張$25 o既價錢買左兩張 coupon,每張 coupon 可以換到15個韓國皇帝胡桃紅豆餅本來我地諗住買一張 coupon 兩個人試下,不過團購網站因為手續費問題要人買兩張 coupon我地當晚黎到舖頭見到有一個韓國女人看檔,佢應該係老闆娘留意到佢睇完 coupon 後唔係好知俾幾多個核桃紅豆餅,似乎佢唔識睇 cou
韓國皇帝胡桃紅豆餅係一間由韓國人主廚做老闆o既小食店,開左大約幾個月位於北角新光戲院附近,由地鐵站行過去好快就到
呢間小食店主打韓國皇帝胡桃紅豆餅,原來呢o的胡桃紅豆餅以前係用黎進獻俾韓國皇帝o既御用貢品,後來成為韓國街頭小食本人好多年前去過韓國旅行,都唔見有呢o的韓國皇帝胡桃紅豆餅,不過透過團購網站,令大家認識到呢款特式食品
韓國皇帝胡桃紅豆餅$10/3個,$20/7個
除左招牌食品韓國皇帝胡桃紅豆餅外,小食店售賣泡菜、炒年糕及米餅等小食
近日佢地仲有新產品韓國魚串推出,由黑鯛魚製造,原味魚串/芝士味魚串/香腸魚串/年糕魚串/螃蟹魚串五款口味可供選擇,每條原價$22
韓國皇帝胡桃紅豆餅真材實料,食材全部由韓國進口,老闆選用美國加州最潔淨o既核桃,即日新鮮製造烘焗
之前o係網站以每張$25 o既價錢買左兩張 coupon,每張 coupon 可以換到15個韓國皇帝胡桃紅豆餅本來我地諗住買一張 coupon 兩個人試下,不過團購網站因為手續費問題要人買兩張 coupon
我地當晚黎到舖頭見到有一個韓國女人看檔,佢應該係老闆娘留意到佢睇完 coupon 後唔係好知俾幾多個核桃紅豆餅,似乎佢唔識睇 coupon 上面o既中文字,問我地係唔係15個紅豆餅,我地話兩張 coupon 應該換到30個
我地都見到有其他唔係團購客人黎幫襯原來韓國人係習慣凍食韓國皇帝胡桃紅豆餅,老闆預先製作大量存貨
我地見到唔係新鮮出爐,唔係好似雞蛋仔咁樣即叫即製真係有o的失望,相信熱食應該會更好食
老闆娘俾左四盒七個裝及一盒兩個裝 BabyBamboo 支持者,之後大家分一半拎返屋企
每粒韓國皇帝胡桃紅豆餅做到一粒合桃形狀,內有合桃粒,外層鬆軟,好似軟綿綿蛋糕
若果熱食會有紅豆香味,不過我地冇放入微波爐返熱紅豆蓉唔會好似平時食到o的紅豆包,豆沙月餅咁樣太甜,而家甜度恰到好處,值得一讚
如果韓國皇帝胡桃紅豆餅與雞蛋仔比較,本人比較鍾意食呢o的韓國皇帝胡桃紅豆餅
呢款韓國皇帝胡桃紅豆餅值得向大家推介,雖然唔係好抵食,不過香港真係冇乜地方有得賣呢o的咁有特式o既韓國小食今次呢個優惠令我地認識到韓國文化,其實香港都有幾多韓國菜餐廳,團購達人應該搵多o的韓國菜優惠,唔好一年四季都係做火鍋喔!
Post
