正月十五 (Closed)

是晚食完晚飯，緊少不了甜品。想試下新嘢，在門口看了餐牌，選擇了正月十五。老闆娘(如果她只是伙計的話，就真是太敬業啦)很熱情地介紹各款甜品，本蛇在榴蓮冰和龍眼玉露間猶豫一陣，老闆娘幫我決定了龍眼玉露。不一會兒，就上來啦。這應該是借鏡聰嫂之作。冰底是用椰汁，煉奶(龍眼?食唔出)混合冰塊打成，椰香濃郁，上面有椰果，水晶珠和龍眼肉，咬落有口感，成個比較清甜，冰底也令人停不了口。唯冰太凍啦，各位可以慢慢食。而且冰底龍眼味欠奉，似有悖主題之嫌。試了下小熊嘅紅豆沙豆腐花，紅豆沙很杰身，陳皮味重，粒粒紅豆，係真材實料之作。會再來。