Video
Read full review
2019-10-29
316 views
秋涼的晚上，獨自一人回到舊居，尋舊路，尋舊時的美食，尋舊時的感覺。踏進門口，唔駛睇餐牌，唔駛睇價錢，一屁股坐下，再一望老闆，講聲照舊，一切心照不宣。讀者們以為"香港仔財記魚蛋粉"，最好食一定係魚蛋，這樣想便中伏了。只有街坊才懂，這小店最撚手的是牛腩，凍奶茶和墨魚丸(我真係估你唔到呀!)。 小弟只是一介文棍，並不是攝影師，原諒我影相影得咁求其，$48有牛腩飯有湯連熱飲，份量亦適中，價錢亦算公道。紫菜湯味道一般貨色，但老闆都唔吝嗇紫菜既份量，誠意搭救。牛腩絕對係肥瘦適中，牛味同腩汁調教方面，廚子做出了一個絕佳既平衡，一舊半肥瘦牛腩入面埋藏住深不可測刀功，再加少少招牌辣椒油，食完之後係唔會搵得番呢種咁"Balance"既味道。驚訓唔著覺無叫奶茶，都淺談下呢度既奶茶，茶膽唔算太濃，入口好滑，唔太甜，奶咪頗重，驚甜可考慮"少奶"。至於另一名物"墨魚丸"，小弟好少堂食，但此名物係小弟家族打邊爐時必備之食物，此物入口彈牙，豐富墨魚丸味，不過價錢唔平，除番開都近$4一粒，但此物為大圍打邊爐必備三寶之一，至於另外兩寶係咩名堂?賣個關子，下回我再返大圍搵食再為大家介紹。食完回家睡懶覺，衷心希望香港人洗盡煩
踏進門口，唔駛睇餐牌，唔駛睇價錢，一屁股坐下，再一望老闆，講聲照舊，一切心照不宣。
讀者們以為"香港仔財記魚蛋粉"，最好食一定係魚蛋，這樣想便中伏了。只有街坊才懂，這小店最撚手的是牛腩，凍奶茶和墨魚丸(我真係估你唔到呀!)。
牛腩飯套餐
$48
12 views
0 likes
0 comments
小弟只是一介文棍，並不是攝影師，原諒我影相影得咁求其，$48有牛腩飯有湯連熱飲，份量亦適中，價錢亦算公道。紫菜湯味道一般貨色，但老闆都唔吝嗇紫菜既份量，誠意搭救。牛腩絕對係肥瘦適中，牛味同腩汁調教方面，廚子做出了一個絕佳既平衡，一舊半肥瘦牛腩入面埋藏住深不可測刀功，再加少少招牌辣椒油，食完之後係唔會搵得番呢種咁"Balance"既味道。
驚訓唔著覺無叫奶茶，都淺談下呢度既奶茶，茶膽唔算太濃，入口好滑，唔太甜，奶咪頗重，驚甜可考慮"少奶"。
至於另一名物"墨魚丸"，小弟好少堂食，但此名物係小弟家族打邊爐時必備之食物，此物入口彈牙，豐富墨魚丸味，不過價錢唔平，除番開都近$4一粒，但此物為大圍打邊爐必備三寶之一，至於另外兩寶係咩名堂?賣個關子，下回我再返大圍搵食再為大家介紹。
食完回家睡懶覺，衷心希望香港人洗盡煩惱絲，尋找美食只需隨心而行，才不負香港多年"美食天堂"之美譽。
PS:呢度有隻好肥既貓店長，唔係成日巡舖，兩年前意外，老闆用左幾萬蚊幫佢做左個大手術救番佢一命(腹部仲有條大疤痕)，人多時會出來巡舖，有緣就會見到。
最後，謝謝大家聽我發牢騷，下次再見。
Post
