Video
Read full review
2009-01-19
271 views
黎過三次都係食lunch，鍾意呢度既環境清靜，餐廳既落地玻璃望住中環一帶既高樓大廈，好開揚…地方亦都坐得舒服，可以黎食個long lunch，慢慢坐幾耐都可以~係半自助餐既形式，主菜有三款選擇，另外頭盤沙律，凍肉，小食同甜品都係自助既…最得意係有一個counter專做煲仔飯，新鮮熱辣，份量好細最岩淺嘗醫下飯癮~ 主菜份量都偏細，因為自助檯上面有其他選擇~除左自由配搭沙律之後，特式沙律都有三四款，唔係每次都一樣既…caesar salad同泰式柚子沙律都好味，前者既dressing好豐富，後者西柚極甜…另外都見到有薯仔沙律，不過冇試過~ Cold cut都有幾款，煙三文魚都好食唔太鹹，parma ham都還可以，我比較鍾意d肥d既ham，嗒到油甘香…呢度既ham就太瘦喇，同埋切左放得太耐，肉質再風乾就變得『鞋』~小食都要撞手神，未必一定岩食~ 就過炸三文魚腩極出色，皮脆肉嫩，炸得乾身但係咬落去D魚油湧出黎~ 亦都有時會係點心類，例如小籠包，燒賣，魚翅鮫，甚至煎釀三寶…呢類我都冇試，賣相還可以，但係我食野都幾揀擇，唔想食得太飽~ 另外仲有少量熱葷例如炆肉排，雞翼，時蔬，炒麵飯…我鍾意飲湯，
係半自助餐既形式，主菜有三款選擇，另外頭盤沙律，凍肉，小食同甜品都係自助既…最得意係有一個counter專做煲仔飯，新鮮熱辣，份量好細最岩淺嘗醫下飯癮~ 主菜份量都偏細，因為自助檯上面有其他選擇~
除左自由配搭沙律之後，特式沙律都有三四款，唔係每次都一樣既…caesar salad同泰式柚子沙律都好味，前者既dressing好豐富，後者西柚極甜…另外都見到有薯仔沙律，不過冇試過~ Cold cut都有幾款，煙三文魚都好食唔太鹹，parma ham都還可以，我比較鍾意d肥d既ham，嗒到油甘香…呢度既ham就太瘦喇，同埋切左放得太耐，肉質再風乾就變得『鞋』~
小食都要撞手神，未必一定岩食~ 就過炸三文魚腩極出色，皮脆肉嫩，炸得乾身但係咬落去D魚油湧出黎~ 亦都有時會係點心類，例如小籠包，燒賣，魚翅鮫，甚至煎釀三寶…呢類我都冇試，賣相還可以，但係我食野都幾揀擇，唔想食得太飽~ 另外仲有少量熱葷例如炆肉排，雞翼，時蔬，炒麵飯…
我鍾意飲湯，每次都有兩款湯，試過冬陰功都唔錯好對味，中式湯水都係加左味精啦…西湯試過洋蔥湯同磨菇湯，洋蔥湯要讚，有牛油香又夠洋蔥味，雖然好肥膩但係都飲左一碗~ 磨茹湯都唔差架，一開蓋就有陣香味撲出黎，比出面一般既西餐廳做得好~ 幾款麵包可以揀，其中Brioche最受歡迎~
主菜每次都唔一樣，印象中不過不失，係西式既菜比亞洲菜好…記得有一次炆鴨，竟然四隻都係鴨翼>.< 但係煎羊扒就拿掐得好好，肉剛好熟，夠味又夠嫩~
甜品多數有兩款蛋糕，兩款布甸，另外有切成小塊既蛋糕，曲奇同鮮果撻，仲有雪糕~ 芝士蛋糕水準飄忽，一時好rich好正，一時唔夠實唔夠甜…~
食飽就拎幾塊曲奇拌咖啡，慢慢坐~
埋單 每位120
唔算太多選擇，畢竟係半自助餐，但係岩口味就得啦~
最主要係環境舒服，(雖然都試過一次有一大班人好嘈)
服務一般，以前態度好D既，可能而家多人黎，有幾個侍應都為左快，冇以前咁好禮喇~
Post