Coffee 101

Open Now

Now Closed

呢間咖啡廳係寶馬山新開嘅，雖然價錢比起附近嘅餐廳偏貴少許，但仍然有唔少嘅居民會黎幫襯，除咗因為佢嘅裝修比較有格調之外，亦因為佢嘅食物質素都真係唔差！所以有時可能想靜靜地坐低、睇吓書、飲杯咖啡、食下西式料理， 呢度會係一個唔錯嘅選擇！今次試咗佢嘅「豪華英式早餐」，有幾豪華呢？你可以睇吓我下面張相：有烘底方包、炒滑蛋、煙肉、豬肉腸、茄汁豆、焗蘑菇、沙律菜同埋蕃茄，仲有杯熱咖啡送！都算真係幾豐富，啱晒我呢啲比較要食多少少嘅人，哈哈哈！成份「早餐」入邊，抵讚嘅係佢嘅焗蘑菇：蘑菇仍然好juicy，而且菇味濃郁，所以好快比我食晒！另外，佢杯咖啡都好唔錯，平時如果我飲咗快餐店啲咖啡，好快會頭暈，兼心跳加快（即係佢哋啲咖啡用料麻麻哋/好多添加劑），但係哩間飲完後完全冇不良反應（用生命做的食評），證明佢哋啲唔係劣質咖啡豆