越美味餐廳

Open Now

Now Closed

有個星期六本來約咗朋人去佢屋企玩，我去到西半山之後先收到佢電話，話啱啱岀咗去買啲嘢，一個鐘後返嚟，叫我喺附近hea一陣先。咁既然都未食晏，就喺附近食埋先啦。不過我行到半山先發現餐廳嘅選擇唔多，最後行到聖心學校見到隔離有間越南餐廳，而且有開。嗰日咁多間餐廳冇開，行咗差唔多20分鐘先揾到一間有開。平時唔駛諗一定係嗌生牛河，但係今個禮拜已經食咗兩次越南河粉，所以轉吓口味叫咗個「香茅豬扒飯」。因為得我一個食客，豬扒飯好快就到，鑊氣都好足，但係比較油，不過我就係鍾意食啲咁唔健康嘅嘢。埋單$52，算係咁啦。