Video
Read full review
2018-05-05
573 views
原來東海集團35週年，而家搞緊指定套餐65折優惠，今晚一於成家人來食半圍，試下 東海嘅壽桃包，好出名的，而且有11款菜式 ,我哋七個人，其中一人食齋另叫，叫半席一定夠飽。揀咗臻味宴，半席$1488, 因為我哋七個人，佢半圍係包六個人嘅茶位同加一，我們多出一個人，就只需收多十三蚊一個茶位就ok。爸爸鍾意飲啤酒，另點半打藍妹，佢冇樽裝，得罐裝，冇問價錢，原來超貴，六罐要$228。 可惜晚宴冇包飲品，淨係包茶位同加一，如果可以包六罐飲品的話，咁樣半圍 宴席係咪更加合理又再吸引啲呢？$38 一罐啤酒，似乎唔係好合理喎！ 因為有一位係食齋嘅，點咗齋燒鵝$58, 切開有十塊，裏面嘅餡有蘿蔔木耳等最基本的齋菜，外面的醬油幾好味，口感爽。鴻運乳豬全體，因為係半席，所以要斬開半隻乳豬。 乳豬皮好脆，好爽口，燒得一流，而且冇黑蚊蚊嗰啲燒焦，仲有啖啖肉喎，唔係得塊皮，推薦乳豬！上湯焗龍蝦伊麵， 伊麵比較淋，同埋好淡，份量少d, 上湯煮過都係冇乜味道，灑咗啲蔥花，食到葱香，龍蝦走過油脆脆哋，肉質爽口新鮮，不過味道都真係淡啲，呢度菜一般啦。鮮百合螺片蘭花蚌， 清淡的菜式，幾好味，因為蘭花蚌淡淡地，但係滑嘟嘟，有
揀咗臻味宴，半席$1488, 因為我哋七個人，佢半圍係包六個人嘅茶位同加一，我們多出一個人，就只需收多十三蚊一個茶位就ok。
爸爸鍾意飲啤酒，另點半打藍妹，佢冇樽裝，得罐裝，冇問價錢，原來超貴，六罐要$228。 可惜晚宴冇包飲品，淨係包茶位同加一，如果可以包六罐飲品的話，咁樣半圍 宴席係咪更加合理又再吸引啲呢？$38 一罐啤酒，似乎唔係好合理喎！
因為有一位係食齋嘅，點咗齋燒鵝$58, 切開有十塊，裏面嘅餡有蘿蔔木耳等最基本的齋菜，外面的醬油幾好味，口感爽。
鴻運乳豬全體，因為係半席，所以要斬開半隻乳豬。 乳豬皮好脆，好爽口，燒得一流，而且冇黑蚊蚊嗰啲燒焦，仲有啖啖肉喎，唔係得塊皮，推薦乳豬！
上湯焗龍蝦伊麵， 伊麵比較淋，同埋好淡，份量少d, 上湯煮過都係冇乜味道，灑咗啲蔥花，食到葱香，龍蝦走過油脆脆哋，肉質爽口新鮮，不過味道都真係淡啲，呢度菜一般啦。
鮮百合螺片蘭花蚌， 清淡的菜式，幾好味，因為蘭花蚌淡淡地，但係滑嘟嘟，有口感，加上好多蒜蓉清炒，可以突出蘭花蚌鮮味，甜豆非常甜， 又新鮮。整道菜份量大，最怕是迷你size。
鎮江烤骨，得五嚿，都唔夠六個人分，叫得半席，點解數量唔係六？建議俾多一嚿客人食，搞到分唔均，好肉酸，差一嚿鎮江骨，大家讓來讓去， 雖然味道好，甜酸度適中，但係得五舊就好大件事！呢方面真係做得唔好，一定要改善。
紅燒竹笙雞絲生翅， 呢個翅都幾好味，好鮮甜，用料充足，加醋食酸酸地唔怕滯。如果唔落醋嘅話，就食佢嘅鮮味。
蔥油蒸虎杉斑， 調班蒸得好好食，火喉恰到好處，冇蒸過龍。肉質非常嫩滑新鮮，虎杉班的皮充滿骨膠原，好滑。因為係半席，所以條魚細啲，如果係一席的話，條魚就會大返好多。
鳳凰翡翠花菇海螺片， 都係數量砌到六個人分，每樣一舊，包括有小棠菜、冬菇、同埋海螺片，芡汁煮得幾香，唔會太鹹，係清淡的一道菜，食齋的人都ok。
福如東海炒飯： 食咗咁多餸，終於有炒飯到，福如東海炒飯，個名改得好意頭，飯炒得未算好乾身，有雜豆之餘仲有肉粒， 但仍然非常香。
文昌走地雞： 雞皮非常爽脆，是暖暖的，不是凍食。份量有半隻，淋上甜豉油汁，還有很多蔥花，雞肉夠滑夠實淨，非常好味！絕對好食過炸子雞，推介！
東海壽桃包： 叫半圍餐，是為咗有壽桃包食，媽咪爸爸未試過，賣相非常漂亮，而且每個包都有拳頭咁大個，漲卜卜，熱辣辣，裏面的蓮蓉非常多，仲有一整個鹹蛋黃，鹹蛋黃的油分流出來，非常香，單叫一個壽桃包要$22,所以圍餐有得食都幾好。
雪耳萬壽果： 食到最後就係食糖水，雪耳木瓜糖水，木瓜又叫萬壽果，都係好意頭嘅名稱，味道唔會太甜，甜度恰到好處，而且用料充足。
總結，最後埋單$1816.9 , 食物味道平均來說可以，就是龍蝦伊麵麻麻地。
鎮江烤骨得5舊，唔夠六個人分，唔好咁小家啦，收得呢個價。
而點左啤酒，唔知價就點，係自己蠢，諗住唔會貴得去邊，結果埋單先知咁貴已太遲，唔係唔捨得食，來得東海食知佢貴，但係罐裝啤酒$38一罐，離譜了吧？六罐$228,開支紅酒都得，唔係呢樣的話，今餐食得都滿意嘅。
Post
