西宮 (Closed)

想吃自助餐又想就近屋企，於是來西宮試下。晚餐每位208元，將貨就價，諗住食飽個肚就算；沒有太大的期望。先說環境，雖然比不上酒店水準，但尚算寬敞潔淨。一坐下來便送上免費刺身一客：內有三文魚、蝦、魚、八爪魚各數件；剌身最重要的元素：新鮮；這一點做得到，便沒可以批評的地方了。食完如果嫌唔夠喉，可以去逐樣取，我再切多兩碟三文魚一樣無問題食得哂：因為夠新鮮。冷盤方面，有白蝦、白貝、青口、瀨尿蝦等。由於 Size屬於S碼，所以你唔會覺得啖啖肉好有咬口嘅感覺，但起碼無沙、無霉味，係食得落肚嘅！再試埋各種什菜配上西餐肉，蕃茄仔，螺肉配以沙律醬汁，口感酸中帶甜，呢個醬汁配以新淨鮮嫩的各式什菜，吃來大開胃口，祇不過係平價嘅食材但勝在新鮮，仍然令人吃得津津入味！熱葷方面我每樣都試了一點：焗扇貝：有少少沙、減了点印象分。日式餃子：侷在餐炉內時間耐咗，餃子會“淋”咗唔好食！印度薄餅有同样問題，厨房要注意了！煎三文魚頭腩：OK啦，但鑊氣唔多夠。雞翼：唔得！醃得唔入味，雞翼吃來冇口感！記住越係平凡的餸菜，就連細路哥識批評嘅就越要注意了！咖哩牛肉：最好呢個，咖哩汁和香料令牛肉吃來五香入味蕾，呢味有料到了！西餅糕點