諾亞半熟蛋糕專門店 (Closed)

知道尖沙咀開左誠品，當然要去潮聖。 行行下誠品見到有間賣蛋糕既鋪頭，一於睇下！見到有忌廉哥樣既杯真係好得意，格離果個直頭話必買。買左杯裝朱古力半熟蛋糕，另外賣左枝蜂蜜薏米水番屋企邊飲邊食。 半熟蛋糕要係雪櫃攞出嚟半個鐘之後先好食，因為要令蛋糕達至最佳既狀態。蛋糕入口鬆軟，有香濃既朱古力味。由於佢係半熟蛋糕，中間部係是流心的。整個蛋糕都十分適合愛吃朱古力的我！食完蛋糕之後又可以保留忌廉哥的杯。 蜂蜜薏米水既杯同樣設計特別，好似燈泡咁。杯底可以見到粒粒薏米，入口幾清甜，薏米有咬口。飲完之後當然要保留番咁得意既燈泡杯！