姨婆瑪麗 (Closed)

每次同女朋友行過渣華道都好想入去試下。呢個星期日就行左入去試。 餐廳叫<<姨婆瑪麗>>，個名睇唔出係食咩菜。 點餐紙過左膠，用餐廳提供的筆來劃，循環再用，夠哂環保。 加6蚊有汽水優惠，抵唔抵就見人見智。 今次點的是蝦麵湯底的米粉，三個餸$38，以價錢黎講馬拉野唔算貴。 但當我滿心期待之際，上到枱點知得半碗。當堂窒左窒。湯底的味道都算濃，三餸叫的是豬皮，蝦及西刀魚旦。個人覺得西刀魚比較特別，外形扁身，入口算彈。 雖然餐廳唔大，但人手充足，服務唔錯。38蚊這個半碗的份量就變得貴了，因為在北角區$38其實有好多選擇，希望可以改善一下。