黃枝記 (Closed)

想食個唔洗等，好快有得食，又有返咁上下素質的晚飯，高級版麵食店黃枝記是選擇之一。平時在中環返工都有食黃枝記，而銅鑼灣新開呢間就要試下先知味道！一入到去就開左壺靚茶喇溏心皮蛋有「流芯」效果，間唔中過過口癮都幾OK，不過「有樣，有質感，但冇味」，冇果種皮蛋香。酸薑好夠辣！仲有蔥花伴碟牛腩與牛筋各佔一半，而且湯底滿是柱侯牛腩醬汁，牛味十分濃郁。牛筋有兩條，一條軟稔、一條硬到咬唔開，唔知係有意加入兩款質感，還是硬果條未炆林。 軟稔的牛筋吸盡肉汁固然好食。硬牛筋大力都咬唔開，無福消受。牛筋不難發現，部份牛筋炆得太稔變左肉碎。麵條是黃枝記的最大賣點，入口幼細又爽口彈牙，冇得輸。最後飲了柑桔話梅蜜 (熱)，配有一粒話梅，酸酸甜甜，為整個晚飯一消油膩。