小王牛肉麵

Open Now

Now Closed

下午茶時間，嚟到小王牛肉麵。我最鐘意食佢嘅半筋半肉麵。佢嘅麵質好係咬口，牛筋又大大舊（雖然唔算好多舊）但大舊肉及大舊牛筋，下午茶嚟講，個分量都ok。而且佢個湯，好有藥材味，可能我鐘意食濃味，所以我好喜歡😍。另外，台式滷肉鹽酥雞飯都好味。佢嘅滷肉唔係肉碎，係有一小片一小片嘅滷肉。鹽酥雞好入味。最正嘅係，下午茶時段，每份係$49，包嘢飲，我仲飲咗杯珍珠奶茶。而兩個餐嘅份量，都冇因為下午茶而少咗。我估分量同午餐一樣。所以，喺食下午茶嘅角度嚟講，我覺得係抵食嘅。