Video
Read full review
2018-08-20
3263 views
一出左糧，同事建議食個豪D嘅lunch，於是就揀左呢度對住個維港景食番餐好。又幾好彩，岩岩做緊半自助午餐3送1，我地2男2女岩岩好，就算唔夠4個人都會有8折優惠。睇睇menu選擇真係多，牛、豬、羊、龍蝦、魚等等咩都有，大家不約而同都想歎扒，所以最後就點左兩客牛柳同兩客豬鞍扒，大家可以互相share試下！落完order，即刻出去攞下頭盤同餐湯，頭盤有好多健康清新之選，食少少開下胃相當唔錯，本人最like青瓜木耳沙律，勁爽口。食完前菜，飲埋個餐湯，就輪到主角登場喇！首先係澳洲牛柳，烤得超級香，入口非常鬆化，點埋個汁食又係另一番滋味！我就主力食個豬鞍扒，係美國天然穀飼，大大件好厚身，入口勁juicy，肉味濃，個汁完全係錦上添花，連個薯仔都特別好食。趁大家個胃仲有少少空間，一於歎埋自助甜品，有意大利奶凍、Tiramisu、腰果酥、曲奇餅同蛋糕等，款款都好yummy，食到呢個moment真係大滿足呢！除返開每位都係200頭，物超所值！
又幾好彩，岩岩做緊半自助午餐3送1，我地2男2女岩岩好，就算唔夠4個人都會有8折優惠。
睇睇menu選擇真係多，牛、豬、羊、龍蝦、魚等等咩都有，大家不約而同都想歎扒，所以最後就點左兩客牛柳同兩客豬鞍扒，大家可以互相share試下！
落完order，即刻出去攞下頭盤同餐湯，頭盤有好多健康清新之選，食少少開下胃相當唔錯，本人最like青瓜木耳沙律，勁爽口。
頭盤
101 views
0 likes
0 comments
烤澳洲牛柳
64 views
0 likes
0 comments
香烤厚切美國天然穀飼豬鞍扒
67 views
0 likes
0 comments
甜品
65 views
1 likes
0 comments
Post
