漢陽樓韓國料理 (Closed)

放左工入黎將軍澳探朋友，落樓下商場食晚飯，揀左黎漢陽樓打邊爐。朋友講話呢間舖好大，就算等位都好快，同最正係佢個半自助放題不限時，唔使驚掛住吹水未食飽就夠鐘交枱。要左火鍋放題，部隊鍋泡菜湯底，滿滿一鍋賣相唔錯。有午餐肉，茄汁豆，芽菜，白菜，年糕，大蔥等，幾足料。仲有韓版辛辣麵預先訂坐會送一客牛肩肉($18)，牛脂分布均勻，色澤唔錯喎，急不及待啦。飲品自己拎，有一般汽水外，仲有豆漿，酸梅湯等。等緊火鍋水滾其間，出去攞下野食先，有壽司呀～款式雖然唔多，但無雪到硬實實，都幾好。仲有炸野同其他熱食，掛住食無影相……都ok啦，正常味，一般自助形式都係咁上下。水滾了，梗系要食牛肉先啦，好正，肉味濃又有口感，無太肥，食多幾塊都唔覺膩，正自助火鍋配料有菇，粟米，菜同什丸，朋友大愛粟米，佢話打邊爐一定要有呀！飽左七成係時候食麵，泡菜湯底煮麵正呀，彈牙又帶少少辣～食飽左梗係要拎甜品，都幾多款，椰汁糕，西米糕，芒果布甸咁，仲有新鮮火龍果，甜甜地幾正喎，食完咸野食甜品特別好味。一人份嘅芒果糯米飯，芒果好甜，又多椰汁，好味。最後邊吹水邊食雪糕，有薄荷，士多啤梨，芝麻同雲呢拿，雪糕雪得硬身，望落幾乾淨，放膽食哈哈，