City Art Steak．Grill (Closed)

今晚同屋企人到沙田行街，無意之間見到帝都酒店呢間CityArt有半自助餐食，喺門口睇餐牌諗住睇吓有咩食啦！侍應好好咁邀請我地入去睇吓有咩食先決定食唔食都得。一入到門口就已經見到有6款海鮮供應，有龍蝦，加拿大蟹腳，藍青口，海蝦，翡翠螺同麵包蟹放出嚟任攞！見到已經好想食，所以決定坐低！一坐低嘅時候，侍應好快又好有禮貌咁幫我地開餐巾同倒水俾我地，但可能我地太早喇，只係晚上6點，所以客人唔多！到坐低之後，我當然第一時間食我最愛嘅龍蝦先啦！味道很好，好新鮮！其他海鮮都好好，好新鮮！之後就到主餐牌入面嘅嘢食喇！嘩！一睇原來有成11樣嘢食任食㗎！有埋日式串燒食添呀！我地每樣叫咗一份食住先，但都已經好滿足喇！因為仲要留返個肚食甜品！甜品嗰度都有成8款咁多，又有窩夫機自己整，雪糕仲要係Haagen-Dazs嚟喎！價錢又合理，我地食2小時，$448一位！用埋OpenRice張優惠卷仲要有85折！