大冒險家餐廳

Open Now

Now Closed

為左大人細路都開心，爸爸專登book 左 大冒險家餐廳既半自助餐幫我慶祝母親節。因為太遲book既關係， 想約 1830 時段已經 full左，只好食個 early dinner book 1630 時段啦。1620 去到門口就順順利利咁由服務員帶位入去啦。女女櫈都未坐就走左去睇甜品同拎野飲三位主菜我地選擇左燒春雞、燴牛肉同兒童餐。燴牛肉既味道同份量都唔錯，燒春雞半隻就比較細份，好彩有自助食物，如果唔係都真係會唔多夠飽。兒童餐一如既往，我女女超鍾意食。沙律吧選擇唔太多包括有沙律、雞翼、蝦多士、植物肉丸同生果甜品等。對於鍾意食沙律既我黎講，沙律菜尚算新鮮，味道合格滿意。蝦多士比較油膩，芝士蕃茄雞翼好滑。至於甜品大部分都較甜，小朋友就最鍾意食啦！另外仲設有自助飲品包括橙汁、芒果乳酪、蘋果茶、奶茶、花茶。芒果乳酪味道濃郁，爸爸添左幾杯 XD總括黎講我覺得食物同服務及衛生程度係可以接受架。而家實在太多人會去 disney玩，要舒舒服服有位食飯而且唔需要同人迫，真係唔錯既選擇。