勝利小廚 (Closed)

紅磡搭船來北角，唔miss船期的話，十五分鐘來到這裡，叫碟海南雞飯食埋唔洗九個字。見著堆積如山的雞件，待客order時拿件出來拍兩下出菜，繁忙時段一檯一客都應付自如，是幾合乎商業原則的。唔少心滴了幾滴汁落檯，伙計即時拿布抹走，快手醒目。甜豉油配泰醬，雞件配油飯加埋當花旗參歸椰子湯，認真落本。坐在收銀隔離，見唔少人買外買，「半隻雞去骨唔該！」，也是特色。雞是不過不失，肥肥地，無乜雞味，浸咁耐情有可原，油飯一貫泰式做法：「上了色」，每啖飯都帶著豐潤的雞汁味，隨飯附送鹹鹹的香料味，泰式做法亦不錯，但飯是幾膩的，對唔受得油如偶者，吃半碗已投降，但湯是喝個精光，前前後後唔洗十五分鐘，快、靚、正。