295
54
33
Level4
223
1
華麗高貴的餐廳🌹一生人必然要去一次
2018-08-30 12674 views
終於嚟到正日生日,阿肥就帶阿胖出城,嚟到呢間極具奢華氣派嘅雅谷餐廳共進午餐,為慶祝之旅揭開序幕 由於我哋都有小小趕時間,阿肥唔想大熱天時行咁多路,又唔想遲到,所以我哋搭地鐵一出銅鑼灣站就坐的士直接過嚟啦,一落車喺餐廳出面已經有服務員彎腰鞠躬接待,搞到我都唔敢再喺門口逗留拍照,以免失禮🤭 一開門入去,已經見到裡面優雅古典嘅裝修,四周圍都有華麗嘅擺設裝飾,配上柔和嘅燈光,營造貴族氣派嘅環境以及浪漫極緻嘅氣氛,大家如果要嚟呢度用膳,衣著真係要比較隆重以表尊重。餐廳嘅職員待應睇得出已經係富有多年經驗,全部已成為紳士,個個彬彬有禮,貼心周到咁帶我哋行過一條樓梯,到達二樓後安排一個比較寧靜嘅二人座位,再提供餐牌俾客人選擇食物。我哋兩個都決定每人叫一個有四道主菜嘅午餐,價值$390另收加一服務費。點餐之後,侍應會捧住一籃裡面有多士同法包任君選擇,鍾意嘅可以兩種都食哂,仲可以無限添加,而枱上面附有一小碟🌹玫瑰花型嘅牛油,令我大開眼界,仲要出乎意料地好好味,香濃幼滑,怕肥嘅我都幾乎成舊俾我搽哂而我哋兩個叫嘅套餐都分別有以下食物,仲會送上紅酒或白酒一杯添🥂 頭盤： 我👉🏻芝士焗菠菜釀磨菇~有三粒中型siz
Read full review
終於嚟到正日生日,阿肥就帶阿胖出城,嚟到呢間極具奢華氣派嘅雅谷餐廳共進午餐,為慶祝之旅揭開序幕
由於我哋都有小小趕時間,阿肥唔想大熱天時行咁多路,又唔想遲到,所以我哋搭地鐵一出銅鑼灣站就坐的士直接過嚟啦,一落車喺餐廳出面已經有服務員彎腰鞠躬接待,搞到我都唔敢再喺門口逗留拍照,以免失禮🤭
一開門入去,已經見到裡面優雅古典嘅裝修,四周圍都有華麗嘅擺設裝飾,配上柔和嘅燈光,營造貴族氣派嘅環境以及浪漫極緻嘅氣氛,大家如果要嚟呢度用膳,衣著真係要比較隆重以表尊重。餐廳嘅職員待應睇得出已經係富有多年經驗,全部已成為紳士,個個彬彬有禮,貼心周到咁帶我哋行過一條樓梯,到達二樓後安排一個比較寧靜嘅二人座位,再提供餐牌俾客人選擇食物。我哋兩個都決定每人叫一個有四道主菜嘅午餐,價值$390另收加一服務費。點餐之後,侍應會捧住一籃裡面有多士同法包任君選擇,鍾意嘅可以兩種都食哂,仲可以無限添加,而枱上面附有一小碟🌹玫瑰花型嘅牛油,令我大開眼界,仲要出乎意料地好好味,香濃幼滑,怕肥嘅我都幾乎成舊俾我搽哂
而我哋兩個叫嘅套餐都分別有以下食物,仲會送上紅酒或白酒一杯添🥂
頭盤： 我👉🏻芝士焗菠菜釀磨菇~有三粒中型size嘅磨菇,口感好厚實爽脆,絕對係上盛嘅磨菇,同芝士菠菜嘅味道好夾,下面仲好似焗田螺咁附上薯蓉襯托
佢👉🏻煙豬背肌肉配蜜瓜~睇見阿肥食到好似食parma ham咁,不過佢就話豬背肌肉係冇parma ham咁咸嘅。
餐湯： 我👉🏻海蝦周打湯~裡面嘅蜆肉魷魚肉都打到好碎,周打湯味好濃郁
佢👉🏻香濃牛尾湯~阿肥話有好香濃嘅牛味,飲到佢食旨大開🤣
主菜： 我👉🏻脆煎太平洋比目魚配火腿蕃茄白酒汁~食物嚟到嘅時候睇佢嘅賣相以為佢份量好細,其實非也非也......我每切開一口都係厚厚嘅魚肉,非常實在,十分飽肚,而且魚肉本身已經夠味,亦好新鮮,所以個火腿蕃茄白酒汁我都只係小小咁點嚟試下,唔想搶走咗啲魚味
佢👉🏻扒羊排配乾蔥紅酒汁~見阿肥份羊架都有三條,一啲都唔孤寒架,佢咬完第一啖之後已經即刻出現心心眼😍,仲遞俾我叫我快啲試下,一齊感受下條羊架有幾咁出眾,不過恕我太唔識食啦,羊味真係唔係我杯茶🤷🏻‍♀️所以我都無謂浪費,留番俾阿肥嘆好喇^^阿肥話個羊一啲都唔羶,仲又香肉質又好,佢話高級餐廳果然係有水準!亦同我講話下次一定要嚟試下佢哋嘅牛扒,佢期待一定係同樣高質素👍🏻
甜品： 我👉🏻香蕉薄餅配香草雪糕🍌熟悉我嘅人都知道香蕉係我嘅至愛
呢份甜品嘅香蕉估唔到咁粗咁大碌,薄餅好薄好薄,就算已經飽到上心口,都會忍唔住全部食哂,而球香草雪糕波我就益咗俾阿肥食喇,因為呢個口味亦係佢嘅心頭好
佢👉🏻香芒慕絲配牛油脆酥,賣相超靚,猶如高級酒店嘅精緻法國甜品一樣,我都未食完碌蕉,阿肥已經將佢差唔多全部吞噬,遺下可以俾我試到嘅...就係個酥脆到死嘅餅底😂 去到最後,佢哋送上一小碟,有四支小棒係一個個朱古力波咁📍,由於餐牌上面冇顯示,我哋兩個都好好奇🤔佢究竟係甜品丫,定係用嚟俾我浸落杯咖啡度嘅(講出嚟可能真係會笑死人😂)最終証實係餐廳免費送俾客人係小甜點脆皮朱古力雪糕
後記：臨走前我去一去個小解,發現呢度嘅廁所真係靚到不得之了
......好似置身豪宅咁嘅感覺,氣派不凡,唔好怪我大鄉里,裡面又乾淨又香,無論水龍頭以至牆身瓷磚,都非常豪華壯觀,我出番嚟都忍唔住叫阿肥就算唔急都要入去男廁參觀下🙊佢又真係聽我講走咗去🙊跟住我見佢隔咗好耐先番嚟,問佢係咪真係靚到唔捨得走?佢話唔係呀原來男廁喺下面地下,要行好遠喎又上又落樓梯咁,哈哈哈笑死我啦
今年嘅生日午飯真係好開心好享受
我會好好咁記住呢次嘅體驗
期待下一次再光顧,可以試到呢間餐廳其他嘅美味佳餚
2273 views
0 likes
0 comments
午餐奉送的紅酒白酒
229 views
0 likes
0 comments
法包配🌹玫瑰花牛油
201 views
0 likes
0 comments
芝士焗菠菜釀磨菇
218 views
0 likes
0 comments
煙豬背肌肉配蜜瓜
207 views
0 likes
0 comments
海蝦周打湯
237 views
0 likes
0 comments
香濃牛尾湯
187 views
0 likes
0 comments
脆煎太平洋比目魚配火腿蕃茄白酒汁
170 views
0 likes
0 comments
扒羊排配乾葱紅酒汁
163 views
1 likes
0 comments
香蕉薄餅配香草雪糕
192 views
0 likes
0 comments
香芒慕絲配牛油酥脆
134 views
1 likes
0 comments
餐廳奉送脆皮朱古力雪糕
141 views
1 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
2 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2018-08-26
    Dining Method
    Dine In
    Spending Per Head
    $429 (Lunch)
    Celebration
    Birthday
    Recommended Dishes
    午餐奉送的紅酒白酒
    法包配🌹玫瑰花牛油
    芝士焗菠菜釀磨菇
    煙豬背肌肉配蜜瓜
    海蝦周打湯
    香濃牛尾湯
    脆煎太平洋比目魚配火腿蕃茄白酒汁
    扒羊排配乾葱紅酒汁
    香蕉薄餅配香草雪糕
    香芒慕絲配牛油酥脆
    餐廳奉送脆皮朱古力雪糕