Video
Read full review
2014-03-28
4166 views
適逢三八婦女節，美籍舊同學AK仔專程來港誠邀我地一家及另外兩位好友參加佢地即將於布吉舉行o既婚禮。AK仔對食同感情一樣，好專一 ，只愛吃牛扒、雞翼、同pizza；佢黎過香港幾次，小肥亦帶過佢去不同餐廳覓食，當中佢最鍾情華商會所西餐部o既雞翼，所以今次同未婚妻黎宣佈喜訊肥肥家族特意為佢選擇黎返華商。華商會所位於中環，交通非常方便，除咗火車之外，真係搭乜車都到。雖然一入大廈必先行落樓梯，不過唔知係咪華商會員中，年長人仕較多，亦有行動不便者，所以樓梯旁設有外置電動帶，運送會員或其他客人上落，非常周到 ；因裝置要預先充電，所以有需要人仕要一早向會所人員提出要求。華商會所共七層，只招待會員，其中十樓全層為會所之西餐部，有獨立廚房，水吧同伙計。華商個西餐部好闊落，應該係近幾年裝修過，地毯都仲好乾淨，小肥尤其欣賞嗰啲cushion櫈，夠新淨又舒適 。據大肥爸爸所講，華商午市時段無論係中餐定西餐都好爆，不過夜晚西餐部就好靜，我地嗰晚係唯一一枱客，可以話係免費包場為一對新人慶祝 ！負責十樓o既祥仔只為我地一枱服務，可稱得上係隨傳隨到，有求必應，而且服務細心，令大家都食得開心又放心！因為要等一對例
華商會所位於中環，交通非常方便，除咗火車之外，真係搭乜車都到。雖然一入大廈必先行落樓梯，不過唔知係咪華商會員中，年長人仕較多，亦有行動不便者，所以樓梯旁設有外置電動帶，運送會員或其他客人上落，非常周到 ；因裝置要預先充電，所以有需要人仕要一早向會所人員提出要求。華商會所共七層，只招待會員，其中十樓全層為會所之西餐部，有獨立廚房，水吧同伙計。
華商個西餐部好闊落，應該係近幾年裝修過，地毯都仲好乾淨，小肥尤其欣賞嗰啲cushion櫈，夠新淨又舒適 。據大肥爸爸所講，華商午市時段無論係中餐定西餐都好爆，不過夜晚西餐部就好靜，我地嗰晚係唯一一枱客，可以話係免費包場為一對新人慶祝 ！負責十樓o既祥仔只為我地一枱服務，可稱得上係隨傳隨到，有求必應，而且服務細心，令大家都食得開心又放心！因為要等一對例牌遲到o既新人，長期性肚餓o既大肥就先叫咗幾款小食黎送酒，人齊先各知叫食物。
一口牛柳配洋葱炒薯仔（$63）：一口一粒o既牛柳肉質鬆軟，配菜o既洋葱同薯仔爽脆野味，而且唔會太油膩，好啱送酒 。
椒鹽雞軟骨（$57）：細細粒o既雞軟骨炸得好夠乾身，椒鹽味恰到好處，整體非常香脆，正！
是日餐湯之忌廉粟米湯：簡單o既忌廉粟米湯香滑清甜，一啲都唔杰唔溜，粟米粒亦好爽，餐湯黎講真係好合格 。
蜜汁厚切牛脷心扒（$138，套餐包有餐包、餐湯、主菜、甜品及咖啡或茶）：小弟都係第一次見到咁大咁厚o既牛脷 ，唔怪得知依味主菜會名為牛脷扒啦！样哥仔真係冇介紹錯，超厚o既牛脷心扒肉質軟熟，腍中帶爽，以甜甜o既蜜汁作調味非常夾 。
是日甜品之蛋糕：蛋糕唔甜，不過就乾咗少少。
特濃咖啡：華商會所部咖啡機就喺我地面前，香濃o既咖啡即叫即製夠哂熱。
蜜汁雞中翼（$63/半打）：AK仔話華商會所西餐部o既雞翼係佢喺香港食過最好食o既，佢自己一個人食咗七客，即42隻 ，認真唔講得笑！華商會所只招待會員，物業權為華商所擁有，所以無租務上o既負擔，中菜食物價格方面出名有良心，不過會員們就覺得西餐部偏貴，因此好少幫襯。西餐部為十樓全層，燈光較其他層暗，會員可選擇播放電視或柔和o既背景音樂，OK有情調。因食客不多，好多時都會出現免費包場o既情況，享有單對單貼身服務，地方亦變得一啲都唔嘈吵，而且超級寬敞，仲有中環夜景睇，氣氛真係好唔錯 ！會所冇加一，亦冇收其他開瓶費或切餅費，食物質高且份量足，雖然唔講得上係什麼高級餐廳，不過地方比出面茶餐廳或廉價西餐廳舒適優雅得多，服務亦明顯地更勝一籌，所以百幾蚊一個晚市套餐，有餐包、餐湯、主菜、甜品及咖啡或茶，都還可以接受，如果平啲當然係最好啦 ，相信客人數目都會多返啲！
Other Info. :
平時黎華商都係打牌多，三枱麻雀啱啱好一圍，所以例必食中餐。哈，翻查記錄先知自己從未為華商中菜部寫過食評，下次黎食飯時如果唔洗打牌一定要寫一編，推介會中各款美食給大家！
(The above review is the personal opinion of a user which does not represent OpenRice's point of view.)
Post
