華商會所

Open Now

Now Closed

難得可以開始12人飯聚， 老公大學同學即約大家攜眷出席，先嚟一個湯粉葛赤小豆煲鯪魚豬踭肉，湯好鮮甜，豬踭肉真是好，第一道菜椒鹽鮮魷拼酸梅骨，鮮魷炸得火侯非常好，脆而不韌，酸梅骨又脆又好味，跟住下來的菜色也做得非常美味，西米焗蓮蓉布丁大家一齊分享，好美味和滿足的一餐晚飯，多謝戴Sir

朋友帶我嚟呢度食午飯。呢度超好坐，坐幾耐都唔會趕，仲會不停幫我地加水，服務好細心。餐牌食物種類好多，大約有30款，其中有十款係咖哩，實有一款啱你。午餐包餐湯，主菜，甜品同餐茶。週打蜆湯。好夠杰身，唔會太咸。除咗蜆之外有大量紅蘿蔔同西芹。配埋鬆軟餐包係一個唔錯嘅開始。牛脷心扒配意粉($175)。牛脷扒超大塊又厚身，好軟綿綿，配埋燒汁好有港式西餐嘅風味。不過啲白烚配菜就寡咗啲，麻麻地。朋友叫咗薯菜，係薯蓉黎嘅。甜品有班蘭蛋糕同黑加侖子啫喱揀，我要咗啫喱，裡面有少量雜果，有誠意。總結係，雖然港式西餐嚟講價錢有啲貴，但係任坐唔嬲喺中環真係好難搵。

先嚟個頭盤：鮑魚五福拼盤原隻冷鮑魚：夠腍有鮑魚味义燒皇：正，選用真正梅頭，香滑腍燒腩仔：皮脆肉嫩涼拌青瓜：新鮮爽脆海蜇：肥厚彈牙上湯焗虎蝦：虎蝦夠新鮮，烏冬吸收了蝦味及上湯，又一絕配！翡翠元貝西妃蚌：元貝及西妃蚌，有點過了火， 韌咗啲！脆奶欖角酸梅骨：脆奶沒有什麼特別，欖角骨就非常入味，可惜排骨炸得有點乾身，較硬實。姬松茸螺頭燉竹絲雞：湯水清甜，可惜湯料見不到螺頭的踪影。蛋白花雕蒸大肉蟹： 蟹非常新鮮多肉， 花雕不夠香， 蛋白有點老火，欠嫩滑感。清蒸大海虎斑：魚算過得去沒有養魚那泥味，但火路有點過了龍，變得魚有點鞋口！蠔皇鮑螺片伴金錢：東菇沒有去清 冬菇定，螺片亦無味道。畔溪百花雞：即 鴛鴦雞，壹雞做兩味， 半隻鹽焗雞不咸，半隻墨魚滑釀雞有口感，較有創意，可惜雞身太乾，完全失去嫩滑感！鍋燒鵝汁炒飯： 用滷水燒鵝汁炒飯，有新鮮感，不油膩，值得一讚！

今日同屋企人黎食飯呢道環境好清靜 好適合一家人係到傾計食飯平時食開黑椒鮮牛柳今次試下其他野食 叫左個自選晚餐頭盤:法式焗田螺 羅宋湯主菜:扒厚切美國安格斯(五成熟) 跟薯菜甜品可以揀啫喱或蛋糕 我就揀左個啫喱黎食田螺放係d薯蓉上面焗 新鮮岀爐 熱辣辣 口感一流個安格斯牛扒好正 五成熟 仲好易入口 唔會好硬屋企人叫左個 Rib eye steak 都係五成熟 都好正 正過我個安格斯呀！不過兩款肉都好好食😋甜品 我地都係鐘意食啫喱多d 加埋花奶一齊食👍🏻

環境5分，衛生5分:會所西餐廳光鮮闊落企理。 服務5分：  伙記態度良好，有求必應，亦快手快腳。味道3分：   1)      餐包同茶記或港式西餐廳啲無分別。   2)      忌廉餐湯都係同茶記或港式西餐廳啲無分別。   3)      香煎法式鵝肝軟就夠軟熟，但好油，所以扣一分。沙律酸到再扣多分。   4)      特級鮮紐西蘭西冷牛扒大大舊，夠軟熟，意粉份量多，野菌汁好味。   5)      黑加侖子味啫哩清甜清涼。  6)    奶茶香濃。 抵食5分：  有會員請食飯，唔洗比錢，一定抵食。

難得老板帶我們上華商會所食晚飯，上次食過十分麻麻地，甚至可以用難食來形容，但他說華商會所已更换新廚房，他試過覺得好好食，所以帶我們品嚐一下(因華商是他飯堂，他覺得好冇面子😆😆)今次食完真的和上一次大不同，真的好好味，好特別，例如個冰鎮咕肉，千葉豆府，自家燒味。問他可否借名字訂枱，他说要看表現，頂今次给他挽回面子😑

Good value for money! Tea set are pretty good deal $35-$40 for French toast with drinks or fried shrimp toast with drinks, both good quality. Since you have to dine there with members it's pretty nice and quiet compare to other place in central!

中菜部再会！老板係会員，臨別華商中菜部，就带我試下我一向对会所冇好感，只党又貴又細份魚滑粥，冇什麼特別，好普通，但又唔係難食。油條，唔脆既，但唔係啖啖油，食一淡己唔想吃XO醬腸朌，都係普通野，唔係太香，唔党得賣相靚春卷，好味，唔係出面食既餡，我很喜歡。但唔知佢係咩䤾，似蘿白容, 綿綿的，配上脆脆外層，頂瓜瓜！外緩亞菠蘿雪糕，一定要試，超好味！嚷魚好有心机的作品。冇骨餡料配得好好味

西餐成日食，但会所西餐跟老闆去先有得食，多謝我老闆帶我去食！晚上接近6.30, 仲有下午茶就梗係叫tea, 因我不喜歡吃飯。雞翼肉汁鮮嫩，似有淹过鼓油，有6隻，冇話什么特別好食或唔好食。蝦多士有3件，呢个抵讚！冇肥油油既感覺，多士薄，談談蝦肉，爽口彈牙公司三文治，有肉，番茄，菜，蛋，牛油，火腿，唔錯，好滿足！

適逢三八婦女節，美籍舊同學AK仔專程來港誠邀我地一家及另外兩位好友參加佢地即將於布吉舉行o既婚禮。AK仔對食同感情一樣，好專一 ，只愛吃牛扒、雞翼、同pizza；佢黎過香港幾次，小肥亦帶過佢去不同餐廳覓食，當中佢最鍾情華商會所西餐部o既雞翼，所以今次同未婚妻黎宣佈喜訊肥肥家族特意為佢選擇黎返華商。華商會所位於中環，交通非常方便，除咗火車之外，真係搭乜車都到。雖然一入大廈必先行落樓梯，不過唔知係咪華商會員中，年長人仕較多，亦有行動不便者，所以樓梯旁設有外置電動帶，運送會員或其他客人上落，非常周到 ；因裝置要預先充電，所以有需要人仕要一早向會所人員提出要求。華商會所共七層，只招待會員，其中十樓全層為會所之西餐部，有獨立廚房，水吧同伙計。華商個西餐部好闊落，應該係近幾年裝修過，地毯都仲好乾淨，小肥尤其欣賞嗰啲cushion櫈，夠新淨又舒適 。據大肥爸爸所講，華商午市時段無論係中餐定西餐都好爆，不過夜晚西餐部就好靜，我地嗰晚係唯一一枱客，可以話係免費包場為一對新人慶祝 ！負責十樓o既祥仔只為我地一枱服務，可稱得上係隨傳隨到，有求必應，而且服務細心，令大家都食得開心又放心！因為要等一對例

年頭年尾, 有酒聚, 有會議, 有家庭活動, 有小手作, 總之假期不斷就有搞作。今次約在boxing day, 一班鮮有聚頭的拍檔坐下來總結一下過去工作。正傷腦筋到哪裡吃之際, 拍檔就在這裡訂了房。一來, 會所較靜, 容易交談, 而且感覺私人; 二來, 會員制, 其他朋友都少有嚐過; 三來, 中餐較好, 免得阻一班西餐廳趁節發財。整棟大廈座落中環沿大馬路地帶, 雖然未算貴價中心, 但也是舊企業林立之地, 這些舊商會擁有的舊有物業至今已所值不菲了。會所內有中餐, 也有西餐, 個人認為中餐比起他們那個似是而非的西餐來得好好多。第一味來的是姜蔥上湯生中蝦煎米粉, 中蝦份量十足, 肉質爽口新鮮。姜蔥味道可以, 但我嫌姜蔥爆得不夠, 感覺有些似中山順德菜式, 可是煎米粉做得不夠香脆, 口感有點硬。赤小豆粉葛鯪魚豬踭湯, 湯頭甜口, 粉葛赤小豆的甜味給燉出來了。而且湯還帶甜鮮香味, 原來土鯪魚作祟, 雖然鯪魚本是淡味, 不過經老火燉出來後, 鮮味變得濃郁。而最後還有一個肥瘦夾雜的豬踭, 令湯身更甜而有油香。飲湯還是吃湯料, 一口夾肥的連皮煲湯豬肉, 沾上醬汁, 簡直是無限的滋味。接下來是花尾躉兩食

我舊老闆係會員，我同同事一齊跟佢去 "他的飯堂" 開飯。由於舊老闆要見客未到，我同同事先行攞位先，咁我就影下相，佢黎到之後係度影相好似唔係咁好意思。因為呢度係會所關係，侍應會熟識每一個會員的姓氏同樣貎，稱呼及招待以X小姐或X先生o既禮待。我就要左黑松露蟹肉雜菌炒意粉，而同事就揀左香芒三文魚鮮蝦沙律。舊老闆到左，我本應唔好意思影D野食，所以我都冇影低忌廉湯、餐包、熱咖啡同啫喱。好好的同事主動叫我影相，哈! 哈! 實在太感動!我o既黑松露蟹肉雜菌炒意粉賣相唔錯，雖然話係炒意，但我食唔到炒意的味，反而我覺得就咁將係意粉面加上醬汁。不過唔緊要，我寧願唔係炒，我怕會太油同肥膩。意粉彈牙，唔多覺見到蟹肉，可能係白色果D，已經熔化係雜菌當中，而醬汁咸味適中，讚!同事o既香芒三文魚鮮蝦沙律賣相好靚，而且沙律同三文魚都好新鮮。舊老闆話下次去試中菜，但要多邀請幾位，人多比較容易叫餸。當然邀請多幾位同事對我黎講，緊係冇難度啦!

小學同學聚會，選擇意見太多，最终揀咗華商總會。第一次黎，有太多層數，仲要轉內部Lift。10個大人5個小朋友，未齊人但首先要叫個豉油皇炒麵比啲小朋友醫肚先，同一般炒麵不同，加了紫薑炒，比較油，唔好食。正式點菜了，有以下：節瓜章魚煲豬脷 － 無味精例湯，夠火喉，豬脷好好食生炒骨 － 應該整咗咕嚕肉，粉醬唔厚但個汁好酸梅菜扣肉 － 肥瘦適中，梅菜入味，送飯一流粟米斑塊 － 粟米汁另上，點比小朋友，無食沙律蝦球－ 蝦球大隻，味道普通中式牛柳 － 無食到，見同學食有小小”un”焗魚腸 － 好香果皮味亦沒有鯹味，OK土魷馬蹄蒸肉餅 － 好味好滑好多汁，正金銀蛋莧菜 － 無特別炸子雞 － 醃得好入味，但炸得唔夠均勻，某些部位比較乾總括各方面，無論服務，地方，食物和價錢都好平均，係一個不錯的飯局地點，多謝靚靚同學安排。

A member treated me here. There are different floors serving western and Chinese dishes. There are also functions rooms for members. For Hong Kong Chinese, mahjong room is a must.Members can bring guests for meals. But there are floors that serve members only. We were in the western restaurant that night sitting by the window overlooking the busy street outside. In Central, the traffic in the evening are always as busy and congested as in day time. Our car could not stop right before the