協奏坊西餐廳 (Closed)

今年聖誕節我有個舊同學從外地返嚟度假，我約他聚舊之外帶他品嘗下香港現今嘅自助餐特色，呢間坐落大角咀區屬四星級珀麗酒店裏面，一間協奏坊西餐廳，食物質素高之外而價錢都好大眾化，而且食物款式之多係同級之中少有的，有數十種之多，餐廳對海鮮供應，絕不吝嗇。鮮甜多肉嘅長腳蟹，啖啖肉，大大隻鮮蝦爽甜，又多汁。細細隻嘅小龍蝦同樣鮮甜無比，多款不同沙律。king size大肉蟹肉質幼嫩，汁液豐富，還有大青口、大蜆、多款海鮮等等都不遑多讓。一款鮮蟹粥鮮甜至極，粥底綿綿香滑。仲有野菌湯，野菌香氣迫人，非常滑溜。還有泰式咖哩蟹，咖哩濃郁蜜味，辣味適中，外面好惹味，內心蟹肉鮮甜多汁。 還有多款泰式食品提供。 閃閃油光嘅刺身，三文魚、拖羅、魚油滿載口腔，鮮香無比。爽口甜蝦 等等。另一款燒德國豬手 頂級食材，配上大師嘅巧手，豬皮脆卜卜鬆化可口 肉質幼嫩無比，鹹香惹味。仲有專人即場焗製， 時令肥蠔，熱辣辣甘香可口，蠔肉肥美，可以讓你盡情進食。有中式嘅蝦餃啦，有日式多款嘅天婦羅，甘香鬆化。海鮮炒飯 粒粒圓潤飽滿，非常爽身。海鮮燉蛋滑捋捋，有十多款嘅甜品、凍餅、鮮栗子杯等。還有多款甜筒雪糕味道任選。生果梗係唔少得，哈密瓜