Video
Read full review
2022-03-22
209 views
一直以嚟都唔會去酒樓食海鮮，好似好易就比人擋到成頸血😂但行過呢間酒樓見到唔少人幫襯，小菜同海鮮嘅賣相都唔錯，而且餐牌價錢全部清清楚楚擺喺門口👍🏻即使係套餐都有好多配搭可以揀，自由度高又經濟實惠，所以我哋就決定5:15嚟食個早晚餐🙈我哋3個人，不過餐廳得2人/4人套餐，初頭諗住要貴啲散叫，但原來可以4人餐($680)減$100，依舊4個餸、1條蒸魚、1碟揚州炒飯同每人1罐飲品，可量化嘅海鮮就會減1，計落都只係人均$170，對比南丫島甚至西貢其他海鮮酒家算係好抵👍🏻由於好多人揀喺lunch食，所以5:00得幾枱客，但無阻姨姨嘅熱情款待，仲安排海邊位比我哋嘆住海風食嘢😆10分鐘左右嚟咗第1碟 - 白灼墨魚，配上帶蔥香、辣辣地嘅豉油，本身想叫椒鹽鮮魷，但白灼可以更突顯食材係咪新鮮，因為完全冇香料掩蓋🤓結果冇令我哋失望，墨魚爽口彈牙，又唔會好似橡筋咁硬，灼完之後亦帶有蔥香，十足十開胃小菜😋第2碟係非常吸引嘅咕嚕肉，呢個係我最鍾意嘅茶餐廳/酒樓嘢食，每次見到9成9都會叫，但而家好多地方都做得麻麻😗食完呢碟真係會讚不絕口，因為新鮮整所以豬肉冇焗到淋曬，甚至會食到脆卜卜嘅外皮，豬肉亦有一定咬口，而且每
我哋3個人，不過餐廳得2人/4人套餐，初頭諗住要貴啲散叫，但原來可以4人餐($680)減$100，依舊4個餸、1條蒸魚、1碟揚州炒飯同每人1罐飲品，可量化嘅海鮮就會減1，計落都只係人均$170，對比南丫島甚至西貢其他海鮮酒家算係好抵👍🏻由於好多人揀喺lunch食，所以5:00得幾枱客，但無阻姨姨嘅熱情款待，仲安排海邊位比我哋嘆住海風食嘢😆
10分鐘左右嚟咗第1碟 - 白灼墨魚，配上帶蔥香、辣辣地嘅豉油，本身想叫椒鹽鮮魷，但白灼可以更突顯食材係咪新鮮，因為完全冇香料掩蓋🤓結果冇令我哋失望，墨魚爽口彈牙，又唔會好似橡筋咁硬，灼完之後亦帶有蔥香，十足十開胃小菜😋
第2碟係非常吸引嘅咕嚕肉，呢個係我最鍾意嘅茶餐廳/酒樓嘢食，每次見到9成9都會叫，但而家好多地方都做得麻麻😗食完呢碟真係會讚不絕口，因為新鮮整所以豬肉冇焗到淋曬，甚至會食到脆卜卜嘅外皮，豬肉亦有一定咬口，而且每粒都啱啱好2啖，唔會搞到食汁多過食餸🥰我必須講明呢篇絕對唔係饍稿或者廣告，只係太耐冇食過咁滿意嘅咕嚕肉，所以忍唔住讚多幾下，如果要雞蛋裏挑骨頭，可能就係醬汁可以酸返少少🤣
咕嚕肉最好就係用嚟送飯，唔知係咪廚房聽到我嘅心聲，第3碟就嚟咗揚州炒飯，用料絕對唔hea，至少有7粒偏大嘅蝦仁同兩羹粒粒叉燒，炒得夠乾身而且粒粒分明，唔會覺得油淋淋或者太鹹，配餸啱啱好😚
第4碟係椒鹽蝦，炸得好通透又唔油膩，脆到連蝦頭蝦尾都可以一次過食曬🤩椒鹽唔係面頭灑啲粉或者香料就算，而係有好多炸蒜辣椒脆米，撈埋炒飯食真係一流😝
第5碟係果皮蒸鮑魚，原本餐牌係寫米蒜香鮑魚，不過姨姨會問你想要邊款煮法，鮑魚最好就係清清地，所以我哋揀咗用陳皮👍🏻鮑魚比想像中大隻，唔會縮到得返半隻咁，彈牙得嚟唔會靭，係鮑魚味唔多，不過呢個價錢嚟講已經好好🥳
最後一碟係蒸魚，3個人食非常之夠，冇因為減咗$100而比條好細嘅魚，肉質嫩滑可口，真係要大酒樓嘅蒸籠同灒油方式先做到，作為埋尾真係好滿足❤️
食完我哋都好飽，仲要跑去趕船😂總括而言係令人食過返尋味嘅一餐，尤其是嗰陣冇咩人，廚房就有多啲時間煮好每碟餸，我已經期待緊下次試食豉椒炒蜆😜今次亦改變咗我覺得海鮮餐好唔抵嘅偏見，只要搵啱鋪頭就可以滿載而歸，強烈建議大家去南丫島要試下😆
Post
