農舍 (Closed)

疫情之下，想去比較少人既地方，係閒日去南丫島都幾唔錯既🥲不過可能係星期三，好多餐廳都休息。係無乜選擇之下，就揀左『農舍』。🤪餐廳燈光偏暗，令人好relax，係餐廳既每個小角落，都有唔少「黃店」既小裝飾，文宣等等，休息既同時請唔好忘記為HK努力既佢地💛講到食物方面，我地嗌左一個set lunch👉🏻雜菜手工麵配南瓜湯（$138），同埋芝士炒蛋墨西哥卷配薯角 ($73)。手工麵口感好煙韌同硬身，同我想像中似意粉既口感好大分別，比多幾分牙力先得😂配料就有雞髀茹、三色椒、BB菠菜，普普通通啦。另外本人平時食野口味都偏淡，少甜少鹽，而今次我竟然都覺得無味，可能調味要留意下啦😊墨西哥卷配薯角好出色呀😍原本以為薯角係急凍嗰款，點知原來係烤蕃薯加薯仔😍好軟糯仲感覺健康好多添。而墨西哥卷既餡料都係偏淡，不過配翻烤焦左既芝士，又無咁dry喎。唔好睇少佢丫，其實女仔食半份都飽飽地架。順帶一提，依到個老闆好搞笑好friendly，好既服務態度真係會令人回頭再幫襯架，係百業蕭條之下，一定要大大力支持小店丫💕