Kebab Bistro

Open Now

Now Closed

轉轉雞卷今日去食嘅時候，已經差唔多收舖，所以淨係試到佢嘅雞肉，羊肉已經賣晒。老闆係外國人都叫有啲風情，所以佢整出嚟嘅轉轉雞卷，都有啲外國嘅味道。首先佢個皮又唔會好乾，另外加夠足夠嘅醬汁落雞肉度，臨尾食完成手都係醬，雞來講肉質都比較滑，唔會太乾，所以都幾推薦。轉轉雞配飯由於佢賣晒羊肉，所以叫多個飯都唯有叫雞肉，雞肉都係同轉轉雞卷一樣，肉質紅色，唔乾身，加埋佢有三個醬汁，分別係蒜蓉醬，薄荷醬同辣椒醬。個人建議就係蒜蓉醬溝辣椒醬一齊食，咁先最好食。羊肉雞肉拼盤呢個係最貴，但係最唔推介嘅一個拼盤。初頭叫嘅時候諗住有啲羊肉食吓，點知嚟到全部肉都好鞋，同好乾。啲醬都救佢哋唔到，羊肉就比較臊，我個人就食得到嘅，不過加埋柴皮肉就爭啲。環境佢開喺K11對面，地理位置都算唔錯。佢起身，不過佢通常都係坐吧枱，隔離有間鋪仔有三個位左右。亦都冇冷氣，夏天去就爭少少。但係勝在有南亞風情，職員都好好人，好熱情招待，呢個價錢算係咁啦。