Video
Read full review
2016-05-27
1920 views
加埋黃竹坑，香港仔加埋都有唔少泰餐，不過食過幾間係呢間最滿意。呢間餐廳食過好幾次，呀...唔好意思，我次次都係食咁上下野，以下係本人精選:鐵板蠔仔煎蛋: 呢個係我每次必點嘅item，但係利申，佢未係做得好好。蠔，未必次次都係大大隻，但必係實淨鮮甜，可見其新鮮度。而且餐廳豪不小氣，基本上啖啖入得口都必然有蠔；蛋呢，我未夠高層次到食得出佢係咩蛋，但係個做法絕對泰式，多油半煎炸效果好香鬆，加返芽菜balance返油膩度可以接受(唔油就假嘅...你叫得香口嘢就在所難免)。但係有一點要注意，呢味菜本身係會加少少豬油去帶出個香味，但可能自家制豬油麻煩，所以餐廳加左牛油 。我自己唔太可以接受丫，牛油味太強係會影響到味菜，所以我接受唔到，我會叫佢唔好轉落植物牛油或者直頭唔好落(咁就會冇咁香囉...)。明爐魚煱(冬蔭湯底): 魚本身唔係用咩靚烏頭，但係用咁濃味嘅湯底都算可以啦，久唔久都會遇到黃油烏頭嘅。咁講個湯啦，基本冬蔭料，一般都唔會太辣，所以可以自己要求加辣，我自己就會等佢煲完個湯出晒味之後就加碟粉絲用嚟索汁(重點放錯了...)呀，同埋佢個魚煱會俾碗湯你，所以唔使怕唔夠湯汁。仲有就係佢好忠於原
鐵板蠔仔煎蛋: 呢個係我每次必點嘅item，但係利申，佢未係做得好好。蠔，未必次次都係大大隻，但必係實淨鮮甜，可見其新鮮度。而且餐廳豪不小氣，基本上啖啖入得口都必然有蠔；蛋呢，我未夠高層次到食得出佢係咩蛋，但係個做法絕對泰式，多油半煎炸效果好香鬆，加返芽菜balance返油膩度可以接受(唔油就假嘅...你叫得香口嘢就在所難免)。但係有一點要注意，呢味菜本身係會加少少豬油去帶出個香味，但可能自家制豬油麻煩，所以餐廳加左牛油 。我自己唔太可以接受丫，牛油味太強係會影響到味菜，所以我接受唔到，我會叫佢唔好轉落植物牛油或者直頭唔好落(咁就會冇咁香囉...)。
明爐魚煱(冬蔭湯底): 魚本身唔係用咩靚烏頭，但係用咁濃味嘅湯底都算可以啦，久唔久都會遇到黃油烏頭嘅。咁講個湯啦，基本冬蔭料，一般都唔會太辣，所以可以自己要求加辣，我自己就會等佢煲完個湯出晒味之後就加碟粉絲用嚟索汁(重點放錯了...)呀，同埋佢個魚煱會俾碗湯你，所以唔使怕唔夠湯汁。仲有就係佢好忠於原著地有大量莞茜，仲用埋茜尾煮湯，本人就非常喜歡!但唔係茜人嘅食客們就可能唔太適合喇。
粉絲沙律: 好基本嘅泰國食品，材料好簡單所以調味好重要。如果以佢本身個調味係偏辣，食客們要注意。用料十足，最忠於原著嘅係佢有果D小蝦皮，絕對將味道提升，更正宗。而最重要係佢份量十足喎! 價錢我唔係太肯定，但絕對比起出面餐廳平丫。
白烚螄蚶: 唔好噓我住，我都知螄蚶係白烚無調味，但係唔係真係咁簡單哩。食螄蚶嘅人都知道要甜要生同要肥美，我喺呢度食過幾次都符合到呢個要求喎。生熟度剛好，仲有少少流血，size唔係次次都大大粒不過一定肥美鮮甜。除左螄蚶本人，個海鮮汁亦係焦點，呢度個汁唔太辣，偏酸，所以非常何本人心水。我就食左好幾次都唔使預訂喎，唔知係我好彩定係點，我提議如果真係想食就問問好D。
其他推薦: 燒牛肉沙律(我唔食牛所以no comment，不過爸爸話正)
Other Info. :
呢度係放例三嘅，逢星期三唔開。仲有佢每年唔記得七月定八月會放暑假返鄉下嘅，如果想幫襯最好真係打去問問。
(The above review is the personal opinion of a user which does not represent OpenRice's point of view.)
Post
