一茗堂 (南山商場) (Closed)

係屋邨商場內，餐廳樓底高，空間感足，設有自助區斟水，有各款小擺設令整個環境好寫意！點左兩個精選晚餐，包餐湯/沙律同埋餐飲(特飲半價)👉🏻香草寶雲酥焗三文魚配大蝦 $168外表酥脆，三文魚鮮嫩，大蝦煮得恰到好處，配菜有西蘭花同蕃茄仔，忌廉汁好creamy！👉🏻脆炸薯條配黑松露醬 $42份量多，金黃薯條配上濃郁香醇嘅黑松露醬，真係食唔停！👉🏻鐵板美國T骨牛扒配手打薯蓉 $188鐵板上嘅T骨牛扒，大塊，配手打薯蓉，都幾香滑，配菜仲有粟米、蘆筍、蕃茄仔等，口感層次豐富！👉🏻藍色海洋 +$16係自家製蒟蒻氣泡特飲，色彩迷人，散發菠蘿同藍柑嘅清新香氣，仲有百香果蒟蒻，好清爽！👉🏻夢幻甜心 +$16同樣係自家製蒟蒻氣泡特飲，呢款嘅顏色好夢幻少女心，有柚子同玫瑰嘅香氣，仲有荔枝蒟蒻，非常清甜！👉🏻熱情芒果撻 $38脆邊，飽滿嘅熱情芒果餡料，滿滿嘅熱帶風情感，香甜酸爽！👉🏻鐵鍋荷蘭寶貝焗班戟配雲呢拿雪糕 $68焗班戟綿軟香甜，配上濃郁嘅雲呢拿雪糕，仲有粒粒水果，令人滿足嘅甜品！