品香樓中西風味餐廳

Open Now

Now Closed

朋友話不如去南山邨影下相啦，果邊咁出名，於是我呢個新界仔就跟埋出去見識下呢個打卡聖地，果然好鬼多人，位個個都喺度排隊影果個半圓形攀登架。影完一輪就開始入夜又肚餓，朋友話附近有間餐廳好出名，佢讀書果陣堂飯堂咁食，我話有咩咁巴閉呀，入到去勁多人，估唔到嘅係真係同飯堂一樣喎，枱枱都係一班班學生，成間餐廳都好青春好熱鬧。成枱有9碟餸勁誇張，最好食有南乳炸豬手，塊豬手皮勁香脆又有南乳香味。另外隻風沙雞都好出色！朋友話呢度杯凍朱古力勁好飲，原來枱枱都有人叫嚟飲！