黃記粉麵

Open Now

Now Closed

要食正宗車仔麵，我通常都會揀深水埗👍🏻😌 不過要近近地食又要平，好多學生哥或者上班族都會走落嚟南山邨覓食🐷夜晚通常會去品香樓，南豐叫餸食。但下就呢，依到有2間車仔麵比你揀，而依間嘅牛腩就岀名啲啦！ 雖然係户外食，但有上蓋，依家依個天氣仲有微風，一啲都唔熱🍃平時嘅車仔麵我會食油麵，不過依到嘅腩汁都係配米粉好啲！ 要另加汁可以叫啲姐姐拎比你，不過佢地都比較慢同埋愛理不理，唔好介意就得啦😌😌😌大多數都會要枝可樂，因為枝裝特別正！ 學生好似免費跟一枝添！ 另外上次叫通菜都好食！不過有啲擔心佢唔知乾唔乾淨呢🤣🤣