Video
Read full review
2021-11-16
501 views
今次又比我發現咗寶藏喇！呢間casa kitchen 隱藏咗喺石硤尾南山邨街市旁邊，食物款式都唔少，性價比高，而且泊車方便。餐廳係小清新Cafe風格，有分為室內同埋戶外嘅位置，室內座位比較多，而户外就都有幾張枱~晚市套餐大約$100，就包湯+餐包+主食+飲品，午市就更加平添，lunch set$60左右已經有交易，價錢非常貼地！不過花多眼亂，我哋有好多唔同款式嘅食物想食，所以今次就散叫先～水牛城辣汁雞中翼6件$58雞翼都幾大隻，本身炸得香脆，而外皮又充滿左水牛城辣汁，酸酸辣辣帶有少少黑椒味，相當過癮！海鮮龍蝦湯$48龍蝦味濃郁，入面仲有青口同埋魷魚圈，好足料。巴馬火腿火箭菜薄餅$88薄批餅底好香脆，上面蕃茄汁底，再加上巴馬火腿同埋火箭菜，再加少少黑醋醬，上面仲有芝士添，我對呢個Pizza好滿意！牛肝菌磨菇忌廉汁闊條麵$98呢個係素食之選，牛肝菌磨菇忌廉汁好creamy，每一條闊條麵上面都沾滿左醬汁，菇菌味濃，而且配搭脆口嘅炸合桃，入口鬆脆，同個闊條麵好夾～鐵鍋荷蘭寶貝焗班戟配雪糕$68即叫即整，大約需要等待20分鐘，作為飯後甜品🍮真係好適合！鐵鍋邊好熱要小心，荷蘭寶貝焗班戟口感煙韌，配
餐廳係小清新Cafe風格，有分為室內同埋戶外嘅位置，室內座位比較多，而户外就都有幾張枱~
晚市套餐大約$100，就包湯+餐包+主食+飲品，午市就更加平添，lunch set$60左右已經有交易，價錢非常貼地！
不過花多眼亂，我哋有好多唔同款式嘅食物想食，所以今次就散叫先～
水牛城辣汁雞中翼6件$58
雞翼都幾大隻，本身炸得香脆，而外皮又充滿左水牛城辣汁，酸酸辣辣帶有少少黑椒味，相當過癮！
海鮮龍蝦湯$48
龍蝦味濃郁，入面仲有青口同埋魷魚圈，好足料。
巴馬火腿火箭菜薄餅$88
薄批餅底好香脆，上面蕃茄汁底，再加上巴馬火腿同埋火箭菜，再加少少黑醋醬，上面仲有芝士添，我對呢個Pizza好滿意！
牛肝菌磨菇忌廉汁闊條麵$98
呢個係素食之選，牛肝菌磨菇忌廉汁好creamy，每一條闊條麵上面都沾滿左醬汁，菇菌味濃，而且配搭脆口嘅炸合桃，入口鬆脆，同個闊條麵好夾～
鐵鍋荷蘭寶貝焗班戟配雪糕$68
即叫即整，大約需要等待20分鐘，作為飯後甜品🍮真係好適合！鐵鍋邊好熱要小心，荷蘭寶貝焗班戟口感煙韌，配搭雪糕同埋各種鮮果同埋草莓醬，正～
野莓派對$38
係一款香橙同埋士多啤梨味嘅氣泡特飲，口味清爽，配搭自家製蜜糖蒟蒻，同平時食到嘅蒟蒻好唔同呀，有咬口。
焦糖脆脆鮮奶朱古力$38
好邪惡嘅一杯朱古力🍫上邊有大量cream都唔夠，仲要再加埋焦糖脆脆！
Post
