樂天經典 (Closed)

妹妹今天正日生日，我們一家約咗在位置方便嘅樂天經典尖沙咀分店。樂天皇朝食過幾次，樂天經典就第一次嚟食。其實這裡都幾啱家庭聚會，因為佢係將經典嘅中菜，融入南洋的風味，就算老人家都啱食。餐廳嘅裝飾好清新舒適，我們獲安排坐在四人卡位。前菜係花生同栗子，味道不俗，喜歡栗子同花生都炆得夠淋。我們點了青芥末蝦球，蝦球炸得香脆，面頭有些washabi，好開胃。福建雞丁燴飯，乾身嘅炒飯上面，再淋上美味嘅芡汁，濕潤美味。黑胡椒蟹好入味，肉質新鮮，每一口都是濃濃的胡椒香。我同妹妹都鍾意食魚，所以叫咗兩個魚嘅菜式，有古法蒸黃花魚，同油浸鱈魚。喜歡黃花魚肉質夠嫩，火候適中。鱈魚就好鮮甜 ，炸得金黃香脆。甜品都好抵食，桂花斑藍糕45元一碟有六嚿，大大嚿。甜品有三層，最頂層係桂花糕，中間嗰層係斑蘭味，底層係椰汁味，賣相靚又有創意。