南翔饅頭店 (Closed)

上星期六，同朋友行下街，首先行希慎，之後再行去sogo，之後大家都開始肚餓，就開始肚餓，個frd就帶左我地幾個人係東角道行去銅鑼灣廣場個附近，佢話個度上樓有好多野食。就係咁我地最後都決定去食下上海野，去左呢間南翔饅頭店。講番野食先，我地order左個招牌小籠包，個皮既厚度做得岩岩好，唔太薄又唔會厚，厚度適中，小籠包豬肉餡既份量又岩岩好，唔太多又唔會少，細細粒既肉幾好咬口, 咬落去又唔會即時散開。包既肉汁幾多下，一啖一個，真係幾不錯。所以，我同朋友再order左1籠。另外我地仲order左個 薺菜肉絲炒年糕，佢炒得好好味，薺菜又香，年糕軟硬適中，我地都好鍾意.。但間舖係南翔饅頭店，但我地反而無order到佢個饅頭，我地驚食饅頭好易就飽哂，所以今次無order到，唯有下次試下囉。