The Big Things Party (Closed)

南豐炸雞大大件份量又多，雖然係炸物，但係雞肉仍然非常滑身。味增三文魚六野菜便當呢個要大大力推介，非常適合追求健康美麗嘅女士。超級營養便當，有南瓜、蕃茄、西蘭花、菇菌、蘿蔔等六種唔同嘅蔬菜，除咗可以攝取豐富嘅纖維之外，仲有含Omega3同埋蛋白質嘅三文魚。而且便當精緻小巧，無論視覺定味覺都絕對吸引。吉列豬扒拉麵點解好窩心將吉列豬扒同埋麵分開上，客人可以因應個人嘅喜愛程度而將豬扒放入湯。拉麵嘅湯底亦都非常濃郁。柚子檸檬撻外型好似一朵花咁，清新嘅檸檬配上澀味嘅柚子，一次過可以享受兩個層次。柚子白朱古力蛋糕白朱古力比較甜，但係柚子嘅清新配合得非常之好。派對特飲 士多啤梨奇遇記造型超級吸引嘅士多啤梨特飲，仲有大大個冬甩係飲品上面，無論小朋友定大人都會鐘意。