小蜂兒 (南豐紗廠) (Closed)

阿叔又嚟南豐紗廠打卡📸喇！打卡之餘，當然又要幫襯一吓呢度嘅小店，今次健康啲，唔飲咖啡☕️轉飲果茶🥤。.呢間果茶店好易搵，一入門口就見到，店內選取水耕蔬果🥒🍎🍊🍋做水果茶，所以絕無添加，好健康咁話！阿叔同朋友就分別揀咗#洛神花蜂蜜椰果 ($30) 同埋 #蜂盛水果茶 ($32)，洛神花酸酸嘅味道喺呢排咁熱嘅天氣下飲啱晒，加埋QQ嘅椰果，有咬口又醒神！🤩相反水果茶就一般咗啲，一般嘅一般，茶味唔算強，不過喜歡甜嘅朋友應該都會鍾意。😇.呢度唔單止賣水果茶，仲有埋無添加蔬果賣添，全部來自貴州、廣州等水耕農場，阿叔少買餸，唔知正唔正，便唔便，試過好嘅話就分享畀我知啦！😛😛😛