薄餅博士

Open Now

Now Closed

由於番工做得夜，所以同朋友唔出街食而轉叫薄餅博士外賣。我地係佢網度睇，最後決定左叫一個M2 大餐(約二至三人):內有千島海鮮批，葡汁雞皇焗飯，脆香雞(3件)，忌廉雞蓉栗米湯，沙律，七喜。千島海鮮批好足料，有青椒紅椒，菠蘿，蘑菇，海鮮。芝士味又夠種同埋個薄邊邊又夠脆，分量又夠大。正。個葡汁焗飯都唔錯，幾香葡汁味，但略為焗過多左少少同埋雞件少左啲。脆香雞係夠大件，而且啖啖肉，不過就略為凍左，我地就用左公司微波爐整番熱佢。至於個忌廉湯，七喜同沙律就普普通通啦。不過如果佢地既送餐速度可以再快少少就更加好。