Video
Read full review
2024-10-31
131 views
是咁的，一講起豬骨湯拉麵，普羅大眾最常聯想起嘅發源地可能會係九州，或者博多，但可能一般人未必聽過，豬骨湯拉麵其實係源自長浜。當我知道香港有間店專食長浜拉麵嘅時候，其實我係相當興奮。因為一，未食過，二，我想知道同豬骨湯拉麵天花板，一蘭，去比較嘅話，有幾大差別。呢間店入面有張相，看似呢個品牌都係做屋台起家架喎《No.1拉麵》香味 (4.5/5) - 香味濃郁。除左豬骨湯嘅香味，仲聞到海苔同醬油嘅香味，相當好聞。湯 (4.5/5) - 中等濃稠，以豬骨湯來講我認為好合適。筆起個湯，第一啖入口覺得口味算中等至少少偏淡，不過因為我本身鍾意食淡口味，所以非常鍾意。豬骨嘅鮮味同鹹香，我認為同一蘭真係有得 fight，未至於去到一蘭個湯咁濃郁但都算8成，足夠滿足。不過，個湯唯一嘅問題係，因為佢比較濃稠，而拉麵師傅我諗佢放個麵落個湯道時，冇額外去搞均，所以個湯變成個面係淡，個底係鹹，食到尾時個湯都偏鹹。但整體來講個湯嘅完成道非常高，豬骨味夠濃郁，鹹鮮味齊晒，濃稠質地令個麵相當掛湯，4.5 分我認為冇比多，亦冇比少。麵條 (3/5) - 豬骨湯要配幼麵，呢個人人都知道，呢間店亦唔例外。我選左硬麵，而可能因
呢間店入面有張相，看似呢個品牌都係做屋台起家架喎
《No.1拉麵》
No.1 拉麵
$115
9 views
0 likes
0 comments
香味 (4.5/5) - 香味濃郁。除左豬骨湯嘅香味，仲聞到海苔同醬油嘅香味，相當好聞。
湯 (4.5/5) - 中等濃稠，以豬骨湯來講我認為好合適。筆起個湯，第一啖入口覺得口味算中等至少少偏淡，不過因為我本身鍾意食淡口味，所以非常鍾意。豬骨嘅鮮味同鹹香，我認為同一蘭真係有得 fight，未至於去到一蘭個湯咁濃郁但都算8成，足夠滿足。不過，個湯唯一嘅問題係，因為佢比較濃稠，而拉麵師傅我諗佢放個麵落個湯道時，冇額外去搞均，所以個湯變成個面係淡，個底係鹹，食到尾時個湯都偏鹹。但整體來講個湯嘅完成道非常高，豬骨味夠濃郁，鹹鮮味齊晒，濃稠質地令個麵相當掛湯，4.5 分我認為冇比多，亦冇比少。
麵條 (3/5) - 豬骨湯要配幼麵，呢個人人都知道，呢間店亦唔例外。我選左硬麵，而可能因為我影相都影左3-4分鐘，個麵食落唔算硬，算剛剛好。麥味都係一如其他幼麵咁，唔特別出，但算 ok。
配料 (4.5/5) - 豬叉燒方面，有兩款，每款兩塊。第一款係豬腩肉，出奇地厚切，唔算肥膩，但肉味一般。
而，另一款係豬里脊，瘦，但極之腍同甘香，呢下絕對有驚喜！我認為比腩肉更加出色！
另一款我本身好少會咁早提嘅配料係，海苔！呢道個老闆都幾大方，比4大塊！上菜時個海苔仲係脆架！
另外，都有一款不促之客，係响豬骨湯拉麵世界入面比較少見嘅高菜。因為以醬油醃漬，所以個麵一到時，聞落係有大陣醬油味。因為有醃製過，都有一定鹹度，而我認為對個湯冇特別提升層次，可有可無，但勝在特別，亦夠香。
一如其他豬骨湯拉麵，都有跟木耳絲。
溏心蛋方面，正常好食。
最後，完食！
整體 - 值得推薦 👍👍👍👍👍
Other Info. :
因為豬骨湯拉麵响香港好受歡迎，唔少拉麵店都有做。不過以往我試過打正旗號做豬骨湯拉麵嘅店，都麻麻地。而呢間無論味道，同性價比都係好高，我係非常推薦，希望佢做得住，越做越旺。
(The above review is the personal opinion of a user which does not represent OpenRice's point of view.)
Post
