Oui Oui Bistro (Closed)

今日去開長沙灣區探親人，所以搵左附近呢間小西餐聽試一試，門面喺街上寧寧舍舍特別靚嘅一間，所以都好養眼好易搵，店內細細只有幾張枱，裝修似小酒吧既感覺，水吧好精緻。側邊有個玻璃窗可以睇到廚房內環境。Menu上嘅款式唔算多，佢哋主打係Egg Benedict同All Day Breakfast, 我哋揀咗一個經典既款Egg Benedict 賣相吸引，流心蛋漿非常豐富，有Ham 同一啲配菜，包上有粒菇吊返d 味，令整個包濃味D。Cesar salad 係一個以煙肉為主嘅沙律，非常非常多煙肉，煙肉軟硬度適中同好香口，沙律菜好新鮮，一鹹一淡夾埋balance返，加埋佢哋嘅蛋黃醬好好食。卡邦尼意粉俾我哋想像中做得更好食，首先又係佢哋拿手嘅流心蛋做得好好，調味豐富有香草有黑椒有松露，卡邦尼唔係普通只重忌廉味，佢哋嘅汁好重松露同黑椒味變咗整體嘅味道好豐富，醬汁口感好creamy 同細滑，將蛋漿同個意粉混埋一齊更加滋味。食物方面價錢都唔平，但做得有水準都OK。而飲品方面佢哋特別飲特別平，特別調配嘅果味Soda都只係＄18,而且味道都唔錯。