跑馬地餐廳 (Closed)

夜晚去佐敦近九龍公園附近搵好野食，行經見到間餐廳幾得意叫"跑馬地"，裝修似cafe，環境又幾乾淨，無諗太多就決定入去試下。咁啱有枱唔洗等位，坐低見餐牌裡晚餐分兩個價錢，我同朋友都叫左$78 set 的晚餐，包一款小食 + 一杯特飲，樣樣都好似好好味咁，見到隔離枱果份牛扒好吸引，搞到我都想試下，不過都係想試左卡邦尼意粉先，朋友就叫左白咖哩配香烤雞扒，員工落單好快手，等餐時間都適中。我果份卡邦尼意粉味道恰到好處，菇味夠，意粉口感一流！好好味呀！其實兩個餐嘅賣相都好好睇，小食都比想像中花心思，蝦仁似係用左大蝦，係飲品咖啡沙冰唔多夠味。在場可以 "like" Facebook & 打卡，食飽出示打卡紀錄就有甜品送，甜品係"原味焦糖奶凍底"，甜品雖然免費，但一d都唔馬虎，賣相別緻，食埋感覺好完滿，不過甜品味道好似落太多香料，總結呢餐感覺好滿意，會再去。