本色鍋品料理

Open Now

Now Closed

兩個人食打邊爐真係唔容易，但係呢排真係癮起，所以最啱就係食啲本身個湯底裏面已經有好多材料嘅，咁就可以食到多款d嘅嘢食。台式一品滷水鍋$298除咗一般嘅滷水之外，呢一個鍋中本身送一碟鵝片，本身個鍋裏面已經有好多韭菜，仲有鴨血，豬腸，同埋豆腐，本身個鍋嘅滷水味非常之重，每一樣嘢食都已經好似煮咗好耐咁樣，非常入味。豬腸方面，佢有腸頭同埋腸中間係入面，腸頭會比較肥少少，腸中間就冇晒肥膏，比較啱我。鳳城水餃拼韭菜餃$68雙拼每件有三粒，每一粒水餃都脹卜卜，我特別鍾意食鳳城水餃，裏面嘅蝦非常之彈牙，但我個人認為果皮可以在薄啲，咁就做到皮薄餡靚呀。蜂巢豆腐$38滷味鍋係一定要叫蜂巢豆腐嘅，睇到豆腐有好多層，吸左好多湯嘅精華，一般見到嘅蜂巢豆腐更加入味。雜菇拼盤$68一個拼盤有齊唔同嘅菇，有冬菇，雞髀菇，本菇，金菇菜，大部份嘅菇都好新鮮，而且冇乜草青味，唯獨係最底嘅秀珍菇有少少苦味蜂蜜桂花香茅洋甘菊$68真係落足料，飲一啖已經飲得出裏面有好龍嘅蜂蜜同埋桂花嘅香味，而且見到落咗好多洋甘菊，非常解熱氣。兩個人食咗差唔多$700。