Video
Read full review
2023-10-31
1643 views
位於荔枝角D2 place內，店舖位置唔太起眼，但絕對有臥虎藏龍嘅感覺。環境服務食物質素都值得一讚🙌🏻今晚由Ben師傅為我地主理廚師發辦壽喜燒套餐。✨火炙帆立貝明太子萵筍用上北海道帆立貝，以火槍微烤過，帶有焦香，肉質鮮甜彈牙。面層有明太子萵筍，口感爽脆，仲帶少少辣味幾開胃。✨魚翅蒸蛋滑溜蒸蛋配上魚翅，再加上高湯同菇類，非常香甜。✨天婦羅四品 - 活海蝦/秋刀魚/南瓜/蕃薯炸粉厚度絕對適中，整體賣相亦好精緻。活海蝦大大隻啖啖肉，肉質鮮味彈牙，配上岩鹽更提升鮮味。用上主要產季為秋天嘅秋刀魚，油脂豐厚、肉質鮮嫩，配上紫蘇葉同紫菜醬好美味。日本南瓜同蕃薯一啲都唔遜色，好甜。品嚐全晚主角之前，先來一件醋骨啫喱解膩，酸酸甜甜好醒胃。準備迎接主角 - 壽喜燒用上北海道A4十勝牛，分別會品嚐肉眼同西冷兩個部位。✨關東壽喜燒肉眼部位用關東式煮法 - 在鍋中倒入味醂、醬油、日本酒同糖等，煮滾後加入蔬菜，然後再加入肉。關東式壽喜燒融合左肉類同蔬菜濃郁嘅味道。✨關西壽喜燒西冷部位用上關西式煮法 - 以牛脂肪開鑊，加入壽喜燒汁同糖後再將牛煎至約五成熟。關西式壽喜燒牛味更突出，而且多份焦香口感。不論關東或關西煮法
今晚由Ben師傅為我地主理廚師發辦壽喜燒套餐。
✨火炙帆立貝明太子萵筍
用上北海道帆立貝，以火槍微烤過，帶有焦香，肉質鮮甜彈牙。面層有明太子萵筍，口感爽脆，仲帶少少辣味幾開胃。
✨魚翅蒸蛋
滑溜蒸蛋配上魚翅，再加上高湯同菇類，非常香甜。
✨天婦羅四品 - 活海蝦/秋刀魚/南瓜/蕃薯
炸粉厚度絕對適中，整體賣相亦好精緻。
活海蝦大大隻啖啖肉，肉質鮮味彈牙，配上岩鹽更提升鮮味。
用上主要產季為秋天嘅秋刀魚，油脂豐厚、肉質鮮嫩，配上紫蘇葉同紫菜醬好美味。
日本南瓜同蕃薯一啲都唔遜色，好甜。
品嚐全晚主角之前，先來一件醋骨啫喱解膩，酸酸甜甜好醒胃。
準備迎接主角 - 壽喜燒
用上北海道A4十勝牛，分別會品嚐肉眼同西冷兩個部位。
✨關東壽喜燒
肉眼部位用關東式煮法 - 在鍋中倒入味醂、醬油、日本酒同糖等，煮滾後加入蔬菜，然後再加入肉。關東式壽喜燒融合左肉類同蔬菜濃郁嘅味道。
✨關西壽喜燒
西冷部位用上關西式煮法 - 以牛脂肪開鑊，加入壽喜燒汁同糖後再將牛煎至約五成熟。關西式壽喜燒牛味更突出，而且多份焦香口感。
不論關東或關西煮法，將牛肉蘸上晴本夢王蛋，更覺香滑。
喜歡嘅可加上籽芥/柚子粒/wasabi。
來一碗清甜野菌清湯。
最後再有舖上喜汁同滑蛋嘅炒蛋烏冬（可選炒飯），實在滿足到不能言喻☺️
但仲有甜品🤭
可選時令水果（日本南水梨）或者柚子雪芭/紫薯雪糕。我就揀左柚子雪芭，酸酸甜甜，肉後必選🥰
Post
