崟

Open Now

Now Closed

老細最近搬咗屋喺錦上路一帶，佢帶咗我去食屋企附近嘅日本料理。呢間舖感覺好高級且不平凡，開放式廚房後面嘅大魚缸放左隻龍蝦，未食先興奮！我哋揀咗龍蝦set板燒2人前。頭盤係溫室沙律配響螺，沙律新鮮爽口，螺好鮮甜，不需要其他調味。師父喺我地面前煮第一道菜，北海道帆立貝配紫菜湯，。一粒帆立貝分成三份燒，帆立貝上面有三文魚籽，是經過師父特別處理，不會太鹹。至於個湯師傅用咗新鮮嘅紫菜，飲得出好新鮮，作為前菜好適合！第二道係白甘鯛，外皮脆口，魚肉鮮軟，清淡惹味。主菜是牛油燒龍蝦，加埋龍蝦膏同海膽一齊煮，肉質煮至半熟，入口軟滑，配埋個汁，絕對是天上有的味道。必試!食和牛前，師父請我地食左個蜜糖燒烤面包，又脆又甜，我都想自己整黎食。薄切A5和牛，重點在和牛與蒜。大廚用薄和牛包住燒至甘香嘅蒜片，一齊食時蒜香和牛在口內爆發，味道令人難忘。櫻花蝦炒飯好出色，每粒飯都被蛋漿包住，炒得平均，夠乾身，好食。最後點左番薯雪糕，為這餐畫上完美句號。