崟

Open Now

Now Closed

二人世界下先，食材新鮮美味，廚師手法熟練，令人回味無窮！每一次食完都會好掛著，今次試個和牛，入口即溶，唔需要去日本都可以食到好滿足😌！下次晚飯要再試龍蝦🦞！！

走進這家鐵板燒，原來味覺旅程可以咁刺激！前菜嘅涼拌小龍蝦，肉嫩而且清新，個沙律都酸酸甜甜好開胃🥗。杋立貝鮮到爆炸，一啖落肚已經覺得這趟路冇白走。甘鯛煎到表層微脆，卻保持肉質水潤，配上黑松露薯蓉汁，正到無話可說😋。話說番個鮑魚，簿切到透光又爽滑，配上自家鮑魚肝醬，味道層次分明。再個鵝肝多士，烤到表皮香脆，內裏卻溫軟細滑，搞到我一邊食一邊點頭。甜品部分，焦糖多士啲糖漿燶得嚟脆得嚟甜，而青檸啫哩則夠酸爽清新，喺飽滯中帶來一絲清爽🍮。最後嗰碟A4和牛，佢嘅油花分佈得均勻，熱辣辣嘅肉質鬆化又多汁，真係有種內心狂歡嘅感覺！食物到服務都一流，如果你想揾一個味蕾上嘅驚喜，記住要mark實這家鐵板燒。轉角遇到愛嘅感覺，原來係鐵板上跳舞嘅火花同埋煙味間發現嘅。👌🔥

今年結婚周年紀念又嚟食鐵板燒！今次叫普通午餐但加咗隻虎蝦，埋單啱啱好一千蚊左右，今次同上次比，食物味道全部都升級咗（本身都好味㗎啦！）沙律新鮮好味，我唔食魚所以轉咗豚肉薄燒，老公個魚都燒得好靚，跟餐隻蝦同加嗰隻虎蝦都整得好香、薄燒牛肉好好味，炒飯非常之夠鑊氣，味噌湯好足料，雪糕今次比較特別，係開心果雪糕，唔係一般食店嘅綠茶或者芝麻，以前食評已經好詳細講過食物質素，所以今次就唔咁長氣，整體連服務全部都好滿意，屋企人都話想試，下次會同埋佢哋一齊嚟，值得一試及支持。

高級鐵板燒，好有氣氛嘅一間店。停車好方便，可以停喺門口。店面都唔細，吧檯可以坐大約十個人，仲有兩三張四人桌。.我哋揀咗鮑魚套餐，頭盤先先食咗沙律。第一輪上嚟嘅食材係鮑魚，佢哋就養喺店裡面嘅魚缸度。鮑魚應該係煎? 新鮮嘅鮑魚點會唔好食呢。.白甘鯛係用油泡方法煮嘅，炸到魚鱗變脆口，魚肉本身嘅質感都好好。有一碟係大蝦，大廚講呢隻大蝦係嚟自孟加拉嘅，一支筷子咁長！除咗肉質好新鮮之外，蝦膏都好多，蝦肉有少少變成橙色！真係好邪惡。再邪惡嘅嘢仲有。就係最嘅鵝肝加牛油焦糖多士，一定要快啲食晒個脆多士。.最後仲有櫻花蝦蛋炒飯配魚湯，仲有炒雜菜，岩岩好夠飽。仲有無影到既雪糕甜品。呢間鐵板燒真係水準好高，食材好好，煮得又好，唔似市區嘅餐廳咁冇靈魂。

【元朗鐵板燒🍁午市$278竹+$298松一人前】好耐無食鐵板燒！lunch有時間，去試試間，$3百幾有人即燒即煮環境靜靜地，師傅會一次過煮曬好多嘢，然後就會消失咗😂法國鵝肝好食推薦法國大蝦，超大隻！用咗牛油烹調，加埋蟹膏，仲可以睇埋師傅手勢表演！大蝦真係好香！最深刻係炒飯落咗櫻花蝦烹調 所以粒粒分明，飯香仲有鮮蝦味💬餐廳係元朗錦田天空之城，通常要揸車先去到，所以閒日午市無乜人，性價比高，大家可以一戰！(📍元朗) 崟元朗錦田高埔村108號地下

今次係第三次帶朋友過嚟呢度食日本廚師發板叫咗龍蝦🦞套餐，五大一細大家都吃得飽飽叫做盡興啦記得第一次光顧時大廚出馬有傾有講不知幾開心可能疫情之後大家心情都不一様了，今日換咗其他廚師主理，他們只是介紹食物已經沒有太多互動加上場地又沒有音樂和只有另一枱客人，氣氛比較嚴肅寧靜，不過我哋自己班朋友都有傾下計拍下照叫有d聲音冇咁悶講到食物質素，以這個價錢仍然keep到水準嘅希望他們繼續堅持落去不要退步啊努力

食咗$1380套餐有龍蝦、鮑魚廚師在鐵板上把鮑魚脫殼後話要拿鮑魚去洗好奇怪🤔🤔點解唔係洗好食材在人客面前煮給客人食！拿出來一眼就知被換咗唔新鮮要落好多清酒煮辟雪味😖😖啲食材未洗好就放上鐵板到煮其後啲食材咪唔乾淨真係好唔掂！完全唔衛生🤮🤮原本諗住現時疫情幫襯下啲小店支持下點知😓😓大家三思而後行😏😏

之前食鐵板燒多數去屋企人介紹荔枝角D2嗰間，但最近成日都訂唔到位，上網搵見到錦田呢間，睇見餐牌都好似幾啱食，所以即刻訂位。訂位要每人比$100訂金，今日同服務員傾計，佢話因為之前太多人no shown，呢度地點有少少唔方便walk in客比較少，所以冇辦法要收訂金。雖然地點唔算好方便，我哋屋企坐的士過嚟$31，走嘅時候就慢慢行去錦上路站，仲去咗轉紅磚屋，之後坐小巴落返屋企。餐廳地方唔算太大，但入邊環境唔逼，感覺通風坐得舒服。今日第一次嚟又週年紀念，所以叫咗最貴嗰個鮑魚龍蝦餐，因為我同老公都唔食鵝肝，所以就轉咗豚肉薄燒俾我哋，另外我唔食魚就轉咗帶子俾我。龍蝦佢係喺入邊處理好先拎出嚟整嘅，唔係喺鐵板嗰度劏，我哋就覺得咁樣感覺比較好，出邊好多都係喺鐵板嗰度劏，好多年前見過人食，嗰隻龍蝦掙扎得好犀利仲噴咗啲汁出嚟，所以之後我同老公都好少鐵板燒叫龍蝦食。首先上沙律，都幾新鮮同清爽，鮑魚唔韌好爽配明太子醬，幾特別幾好味，龍蝦肉質彈牙，好明顯兩樣都好新鮮，帶子都幾好，老公嗰魚肉質都幾好另外個皮好脆，豚肉薄燒肉質就鞋咗少少，牛肉薄燒好香好味，櫻花炒飯好好食，炒雜菜同湯就正正常常冇乜特別，雪糕都唔錯有四

又係一年一度我生日，梗係要食好野啦!本身訂荔枝角個間鐵板燒, 但無位, 要訂到去2月份啦...雖然前兩日先食過松菱, 但有鋪鐵板燒癮😆繼之前發現元朗國係一個美食國之後, 都唔介意遠都去搵好野食👍門口好有風格, 一見就見到, 店鋪位置揸車去會方便0的, 可能甘樣, 所以唔係好難訂位。揀左個二人餐, 好得意架wo, 有d items 有得選擇, 但唔會問你架。要自己出聲,你唔出聲就廚師幫你發板。前菜係芝麻醬沙律，跟左2片鴨胸。好好食喎個鴨胸。同buffet 食個啲有好大分別！之後就比你睇下你叫左咩。有湯碗甘大嘅澳洲鮑魚，新鮮架，仲識郁。片片鮑魚。好冧好好味。冧得黎又彈口！廚師話分幾次梅花間竹甘食個鮑魚無甘悶😆帶子配紫菜湯。感覺個帶子煮得岩岩好。鮮甜，好正，上面啲三文魚子，一啲都唔腥，廚師話係調味過既。連我仔都食晒！叫多隻一人隻！廚師好好，見我仔鐘意個紫菜湯，再煮多啲添飲！再黎厚切鮑魚配鮑魚既膽汁(就係旁邊既金黃色汁)好好味，幾特別！本身見到有銀雪魚，我以為煮之前會問一聲。但都唔緊要啦！因為好驚喜。賣相好特別，原來個啲係魚鱗。炸到脆卜卜，又唔會油膩，配左青椒仔！廚師話一百條先有一條係辣架😆我

遙遠的天空之城，第一次去，也是第一次聽到呢個地方，一下車濃厚元朗國味。選了午餐$268和$298兩個餐。✅ 鐵板燒能夠充分顯示日本的專誠服務，比預約時間遲了十分鐘到達，感覺其他人在等待，有點不好意思。✅ $300蚊可以食到鐵板絕對是超值，唔想太貴，又想食下個風味，一流之選！ ✅ 食物質素整體不錯，食得出食材本身唔差。⚠️ 待應好想懇勤，間中把吉碟子擺上給師傅，然後唔知點解又把吉碟放返落枱。 對於有潔癖的食客，都介意呢啲無謂既接觸。太偏遠，去一次無妨😃

平時係市區食鐵板燒，多數都勁貴今次特登走到入元朗ge 天空之城食鐵板燒餐廳係樂都冰室前小小 都易搵午市套餐有幾款 最平ge 268+10%就可以埋到單同朋友order 左兩個竹餐 , 一份要左美國牛薄燒 一份加多300蚊upgrade 左做和牛帶子: 同平時岀面食唔同 加左個紫菜湯係底 好睇又好食 銀鱈魚： 魚皮同魚身分開再煎 煎到脆卜卜 魚身keep 到滑溜 無overcook和牛: 有厚燒同薄燒揀, 我地揀左厚切 同朋友share食每人都有5-6粒 不過好彩淨係upgrade左一set 因為和牛真係太肥美 食得太多會有d膩 而家share食反而啱啱好美國牛薄燒：包住葱花同蔬菜，加埋特製醬汁，都好好食櫻花蝦炒飯：可以無限添食😋😋最後，朋友因為M痛食唔到凍野,待應姐姐仲提早20分鐘拎左個奶凍岀黎 歎暖左先俾佢 超細心 加茶都加得好密tim👍🏻

食物及服務水平與價錢不成正比🥴去得鐵板燒 閒閒地只少都買單二千幾，會期待可享受食物的鮮味及一定水平的服務。首先，放前菜沙律的木盤是裂開的，木製用品一旦裂開就很容易藏細菌是常識吧。鐵板是師傅全程幾乎沒有與客人溝通，食材都沒有介紹，更把魚煮得過熟，完全沒有鮮嫩的口感。我明白魚皮定必是要把它煎乾令其變得香脆可口，但師傅明顯地把魚肉也煎得過熟，已吃不出魚味。食龍蝦時，師傅沒有換碟，直接把龍蝦放在剛剛吃完魚的碟上（碟上有不少魚油及魚骨），相當奇怪。其後上食物也沒有換碟直至我們要求換碟。同時，侍應偶然會走過來介紹食物，但聲量極大，感覺是在大排檔的氣氛，整晚的用餐都充滿奇怪的感覺。餐廳位置不是市中心，不方便，再要花這個價錢真是十分不值，希望大家認真考慮。

難得冇訂枱都有位🤩試吓呢一個老闆推薦嘅特上活伊勢海老鐵板燒二人前帆立貝肉鐵板上燒過，再伴以醬油漬過的三文魚子，帆立貝殼上放咗海藻上湯，師傅介紹先食肉，再將溝咗汁嘅上湯以殼直接飲，海鮮味一次過湧入口白身魚魚皮魚鱗刨起之後炸過，上枱非常好睇，食落又香口接住日本活螺片，師傅加上醬汁同燒酒一齊炒，時間掌握得啱啱好，好煙韌好爽口跟住就係我全晚最期待嘅活龍蝦，一路燒啲香味迎面撲過來，一路睇住師傅好起剷落，炒好咗真係急不及待試下，新鮮龍蝦嘅鮮味同啱啱炒起嘅熱力，超班高水準，新鮮龍蝦肉結實彈牙同充滿鮮味，仲有好多好多膏，真係好正A5鹿兒島和牛厚燒，唔需要任何特別調味，喺鐵板燒上即時由生燒熟嘅和牛肉粒，厚切都入口即化，碟底墊上是一片烘過嘅方包，可以起到吸油作用最尾仲有加咗櫻花蝦嘅炒飯，好滋潤嘅魚湯，雪糕甜品，配襯返頭先咁出色嘅主菜，好滿意嘅一餐

話說我今次與老婆慶生，首次試食鐵板燒，與主廚的交流，令我對食物要求又有新高度，如同廚師發板一樣，上菜速度會因應你哋飲食而調節，每道菜式都會講解箇中特點，間中又分享他們的經驗趣文，口雖然吾停咁講，但主廚熟練的雙手係鐵板上烹調，一啲都無分心，美味無比，睇賣相已高分，食落去又再加分，店家並非位處於元朗市中心主戰區，但無阻我再次encore 意欲。大至食物質素，小至醬汁準備及處理，都可反映出主廚對食品要求。小插曲係我吾知可以有慶祝準備order，主廚在我們用餐途中知道後，就為我們在完餐時送上celebration 甜點，以挽回我呢一個失職老公😅。感謝主廚的幫忙🙏🏻，享用了一頓完美又美味的生日用餐體驗。所以我一向支持小店，就係呢個人情味，令人感動。

搬左入黎住錦田都幾個月，好多間野都伏伏地，點知呢間完全意料之外！驚喜又好味！下午黎食性價比高！師傅手勢無得講，專業！所有食物控制拿捏到好準確！又細心！😋😋😋1:沙律開胃2:鵝肝香脆，中間腍滑～～～3:香蔥黑豚，真心香到成口都係香味🧡4:銀鱈魚香滑，魚皮脆卜卜～5:炒飯粒粒分明🥳🥳又係好香～已好飽6:炒什菜香甜～7:豆腐雪糕埋尾～滿足晒好開心的一個開心生日午餐🥳🥳🥳一定會經常黎😎😎用盡5000$食好西～