蘭英印尼小食 (Closed)

明知就黎食飯都要食番幾串，位於福老村道嘅蘭英印尼小食相信好多人都聽過，店主即將退休，所以老闆娘都笑言「有得食好食喇」。鋪頭細細，只有幾個座位，不過我地唔係食飯，企下都冇乜所謂串燒都係基本款式例如腸仔、豬頸肉、豬牛雞肉、丸類等，定價$5-15。雞脾價格較高，$40/隻。有次太晏先黎，想食嘅都冇哂添啊。豬頸肉 $13雞肉 $13牛肉 $13花枝丸 $15即叫即燒，當日唔算多人，店主仲同我地傾起計上黎，講到自己嘅串燒，可以見到佢地嗰種自豪感覺。串燒配沙嗲醬，醬汁帶花生香，質地濃稠，不過叫小辣唔夠過癮。雞肉幾嫩、豬頸肉同牛肉火喉剛好，微脆但唔燶邊；花枝丸仲幾彈牙