Video
Read full review
2017-07-16
68 views
而家夜晚係中環食間茶記翠X ，都成舊水落樓 ，我心諗 ，倒不如食D有特式少少既南亞菜 。今晚試左呢間印度野 ，地點唔錯 ，皇后大道中 近SOHO電梯位置 。間野係二樓 ，一入去 ，有別於重慶大廈式民房營運屋企餐廳 ，呢間野係真係一間餐廳 ，氣氛唔錯 ，有少少裝修 ，燈光仲要幾有情調 其實都幾岩 dating。一埋位唔使講野 ，整番支印度啤 。其實 ，唔講唔知 ，原來印度都有啤酒 ！咁當然都係外資X當地釀製啦 ！唔係點衝出國際啊 lager 野黎 ，易入口 ，清爽解喝， 都係一個幾好既體驗 ，起馬好過上到去俾支生力你， 果下即刻扣五分。坐左陣 ，最開心見唔到香港人 ，見到就大穫 。即係代表檔野超廢 。香港人出名接受唔到新事物 乜差野都要用香港標準去量度 ，做到廣東風味先叫好食 ，咁你落附近茶記X華食得啦 ！食足全場只見有印度人幫襯 ，我完全明白呢間餐廳係真係做正宗印度風味 ，否則D 同鄉洗鬼黎食咩 ！叫左幾道風味野 ，當中以印度咖喱魚柳最好味 。tikka masala + 薄餅呢D 食法就指定動作，唔使多講 ，辣味係幾夠 ，奉勸唔食得辣既朋友仔記得叫多兩支印度啤酒。燒羊架唔錯
今晚試左呢間印度野 ，地點唔錯 ，皇后大道中 近SOHO電梯位置 。
間野係二樓 ，一入去 ，有別於重慶大廈式民房營運屋企餐廳 ，呢間野係真係一間餐廳 ，氣氛唔錯 ，有少少裝修 ，燈光仲要幾有情調 其實都幾岩 dating。
一埋位唔使講野 ，整番支印度啤 。
其實 ，唔講唔知 ，原來印度都有啤酒 ！咁當然都係外資X當地釀製啦 ！唔係點衝出國際啊
lager 野黎 ，易入口 ，清爽解喝， 都係一個幾好既體驗 ，起馬好過上到去俾支生力你， 果下即刻扣五分。
坐左陣 ，最開心見唔到香港人 ，見到就大穫 。即係代表檔野超廢 。
香港人出名接受唔到新事物 乜差野都要用香港標準去量度 ，做到廣東風味先叫好食 ，咁你落附近茶記X華食得啦 ！食足全場只見有印度人幫襯 ，我完全明白呢間餐廳係真係做正宗印度風味 ，否則D 同鄉洗鬼黎食咩 ！
叫左幾道風味野 ，當中以印度咖喱魚柳最好味 。
tikka masala + 薄餅呢D 食法就指定動作，唔使多講 ，辣味係幾夠 ，奉勸唔食得辣既朋友仔記得叫多兩支印度啤酒。
燒羊架唔錯，羊味濃，燒得乾身。
印度黃飯，細細碗，但係都幾有份量，配咖喱汁風味唔錯。
待應服務幾好 ，有禮貌 ，亦都願意解釋D菜色味道 ，令我地點菜時可以肯定D 點到自己想要既野 ，食到飽飽落樓都係百幾 ，坐得舒舒服服 ，又靜又傾到計 ，我諗中環要呢個價錢 ，呢間餐廳都可以係一個唔錯既選擇 !
Post
