Yaadgar Kebabs and Curries (Closed)

西貢真係包羅萬有，行下行下我聞到幾香既咖哩味，我就走左入去啦。餐牌入面既選擇唔算多，咖哩，kabab同少許既印度小食。印度菜黎講我都有幾分既認識，主要出名既佢都有係到，唯獨係無牛油雞。同埋無分南北印度菜，睇黎佢都係做香港人生意多。入面環境細細地，有幾張枱，唔大。電視一直播住印度歌曲節目，有一種印度氣氛既。侍應同廚師都係印度人，要講英文架。咁我就嗌左masala chicken 同 kabab同naan，試下佢地先。首先我會覺得佢比較煮得近香港人既味道，姐係無咁辣，香料味唔重，同比較甜。唔係話唔好既，各花入各眼啦，可以好d。Kabab做得幾好，皮唔算厚，但份量就唔多，雞既份量唔多，做唔到啖啖雞肉，可以賣得平番d既。整體黎講係比較近香港口味既一餐印度野，唔辣，唔太香，價錢正常既一餐。